今日老豆放假,偷時間上黎屋企探幸男,啱晒我用黎試吓部新相機~之前好幾次幸男都係訓晏覺,今次好在佢醒神四圍望,爺爺當然開心啦~
適逄開餐時間,當然俾爺爺落場玩吓啦,"奶筲箕"當然可以一口氣飲晒~
之後同老豆去佢村口茶餐廳食下午茶,佢踩單車,我就騎羊去會合,因為我要去元朗攞預訂既飛影超合金(爆龍+零影).老豆不時係電話睇孫仔既相,我都有用手機SEND相俾佢老人家.
我叫既都係雞翼薯條,而家難搵地方有兩隻雞全翼嘛~
夜晚CHECK信箱時,見到有信俾阿仔.有啲奇怪,我卅歲人除咗銀行信同其他收費信外都無咩收過私人信,佢兩個月人仔都未有都有信收?原來係台灣女生啲同事寄黎既賀卡,多謝晒~
ps:今日除咗飛影第三彈(爆龍+零影)之外($850),見動畫版舊聖衣紫龍出咗($360),忍唔住買埋佢
.............
.............