今晚台灣女生去大學同學餐飲,我就留守家中負責照顧幸男.由於一個人食飯,主題以簡單為本:一包凱撒沙律,加一小份三文魚剌身,配一支特價精選紅酒.
無火煮食,方便不時招待幸男,停低開奶餵奶都無問題,阿仔飲法國奶粉,老豆就飲法國紅酒~今次支紅酒都幾好,之前係雜誌都見過佢既介紹,評價唔錯.見吉之島特價賣到二百蚊樓下,所以揀咗佢.
其實人家五點左右出門,我就開始吸塵拖地清廁所兼抺門,其間少主都有好幾次訓醒扭計,要走去"應酬"吓佢(換片,餵奶,愛的抱抱),結果我自己都近八點半至食晚飯.
當然人家番到屋企時,我巳經攰到抱住扭喊既幸男,係梳化打横攤係度一齊訓...........
