經過朋友既討論,係CANON G12,NIKON COOLPIX P7000,SONY NEX-3之間,揀咗佢~
大家價錢差唔多,但NEX-3可以有鏡頭換,我出機時就跟變焦鏡,跟PERCY一樣揀白色(因為佢個隻紅色配銀色鏡頭好怪).係中原試機個陣我同台灣女生係咁問sales哥仔有無得平啲,"有咩卡有優惠?","一次過l碌卡可唔可以平啲?","唔愛贈品可唔可以平啲?"試完機臨結數開單時問我哋關於部機有啲咩想問,我哋都係答"有無得平啲?"結果以$4100,包多一粒代用電池收場(唔愛送既相機袋同腳架).
對上個部DC係CANON既 IXUS 860IS,都係07年尾為咗來年一月去北海道 補渡蜜月而買.今次換機都係想幫幸男影吓相,朋友們有叫話出單反機,但我唔想拎住咁大部機出街,孭住個仔,一個奶粉袋,自己一個背囊,仲邊有力氣照顧部單反機......
多謝percy既親身介紹及示範,多謝朋友們既意見,其實我中學預科係攝影學會副會長(掛名-拎住屋企個部富士儍瓜機).當年買相機真係唔平(菲林年代),學生哥又唔多零用錢,所以個學會都幾凋零.而家啲中學生,部電話分分鐘貴過出黎打工既大人~
