今日同台灣女生出旺角星際睇相機袋,係尼龍料既百幾蚊貨色,睇到三百蚊既lowepro品牌,最後都係睇中咗$380呢款仿皮箱型韓國品牌既相機袋.
內籠得兩格,一大一細由一塊活動門版分隔,就算大部既單鏡反光機都放得落,放多支鏡都得.我哋部機細兼得一支變焦鏡,人家話再唔係就放銀包電話去細個格,一個袋孭出街就行得.
另外我哋又搵到HAKUBA日本品牌既相機頸帶(中国制),米白色皮帶配啡色尼龍扣帶($280),比PERCY既韓國品牌相宜~
其實買相機袋間舖買埋個氣泵,又係相機頸帶間舖俾SALES哥仔"誘導"我買埋個filter.人家睇得穿我係因為個filter印住"MADE IN JAPAN"至落搭,真係了解我~
可惜造物弄人,當所有"林岑"嘢都配落部相機,係紅磡火車站等人家大學書友一齊去打邊爐時,發現部相機影唔到相,fous到但硬係個shutter唔work
萬念俱灰,試過拆除filter同再裝嵌鏡頭都唔得,唯有聽日去中原再換過部相機(之前已因為相機芒有光點及活動鉸位唔順而換),我幾時做咗sony既QC特派員?
