今日番完夜更,晏晝等埋台灣女生放工就一齊搭西鐵去ELEMENT買飛睇螢之光電影版(因為屯門無,最近都要元朗百老滙),呢次已經係我同人家第四次入戲院捧綾瀨遙場.趕唔切睇四點幾個場平飛,七點半正價飛計埋渣打信用卡八折,共120蚊.
故事講女主角跟新婚丈夫一齊到意大利工幹兼結婚旅行之趣事,其間其實悶場位唔少,可能係要拖至電影既時間長度,平時電視一集都近一個鐘嘛.內容同電視版既螢之光無咩唔同,只係場境變咗係外國,其實租碟睇都得,但話晒都係FANS嘛.
夜晚去咗千両食,元氣既高級版,但味道真係好啲,兩個人食咗二八百蚊,是日精選既清酒煮蜆都二百蚊,總括黎講都係物有所值既~
PS:因為攰得滯,所以無用手機影相...
