放假係屋企煲DVD,一口氣睇晒賭博默示錄上下集電影,感覺係十賭九騙.男主角(伊藤開司)因為朋友作借貸擔保,而欠下巨債,結果被高利貸老闆(遠藤凜子)帶到帝國集團之地下賭船"希望".
眾人務求翻身,爾虞我詐,因為被淘汰者會淪為地下工人,以償還賭船上既額外賭債.男主角因義氣而淪為地下工人,但又不甘一生為奴不見天日,結果接受"勇者之路"-玩命賭博,以求翻身.經過一輪苦鬥及人性試煉,男主角成功贏出,並獲得巨款,可惜最被拍檔遠藤凜子騙走一大部份.
下集講男主角因賭癮而再淪為地下奴隸,過著不見天日之勞苦生活.因地下骰子賭博欠下債務之45組合力為男主角換得"一日外出券 ",重番地上為組員籌得翻身債項.男主角唯有挑戰帝愛集團既地下巨大彈珠機"沼澤".
本身唔太好賭,所以未能好投入緊張氣氛,反而驚訝於賭博中既騙術.貌似公平靠運氣既彈珠機,釘子既分佈早已令或然率偏差.地台及JACKPOT三連跳台既斜度亦令中奬機會大減.即使係人與人之間既賭博,亦因行騙者既機關及心計而令受騙者落敗.
一次過睇兩套電影,真係幾攰吓,如果劇情可以再緊湊啲就好了~
