三點半到新墟7仔集合,買啤酒汽水同冰,再上的士去黃金,四點就到埗.我係屋企帶膠桶同沙灘蓆,仲有雪櫃裡既車厘子(多得台灣女生提議).
以前較易約到主力軍到沙灘,而家各有家室及小朋友,所以難約咗,主要都係依靠新力軍黎入伍成團.其實我每次都好享受去沙灘輕鬆既時間,因為大家少時間一齊坐低交流吓各自既生活同煩惱,以及解決方案及另類見解,最重要係"胡扯"
影咗唔少相SEND俾無黎參加之隊友,以鼓勵大家下次六點左右走人,希望下次會熱鬧啲.
PS:掛住用手機WHATSAPP話輝BB放飛機,唔記得帶銀包出街,重要上埋小巴至知.唯有同司機講話漏咗嘢係屋企要落車,好在只係行咗一個巴士站唔夠,兼司機好人無鬧我運吉.....
