跳躍大搜查線3

今日係屋企睇"跳躍大搜查線"電影版3,感覺比第二集電影版好得多.男主角青島俊作已榮升刑事課系長,並負責灣岸警署之搬遷指揮,由槍房失槍開始故事既序幕,繼而收到網上黑客之通訊,以失槍殺害市民來威脅警方釋放男主角捉拿之重犯.不久新警署被黑客入侵保安系統,做成反鎖兼有毒氣彈.男主角為尋回失槍兼營救被困之同僚,四出查探,結果當然係大團圓結局啦.編劇順利成章咁將以往既犯人故事融入是次電影版,整體黎講無咩悶場,,配角們亦擔當不少笑料,比前兩集好.

男主角為人隨和,即使升咗職都没有半點架子,同事們依舊關係融洽,表面看似冒失烏龍,但總會為重要之事情而執著.雖然我無升職既材料,但如果可以做到男主角咁都唔錯丫~

另一個熟悉既面孔-內田有紀都有係電影出現,無諗過佢忡KEEP得幾好,以前我都幾鍾意佢,可能因為寶礦力廣告既關係.記得當年上映個陣,我都有諗過入戲院睇,不過得好少戲院上.有次出開觀塘CHECK車,中間時間諗住去百老滙PALACE睇,,點知係齋有海報,但未上畫....