幸福住家男

今日台灣女生放工後去新墟街市買餸,我番完PRCC見人家係電話WHATSAPP回覆是晚菜式:"清酒煮貴花蚌,梅子豆豉蒸排骨,清炒唐生菜",就直接搭巴士轉輕鐵,有咩好得過放工番到屋企就有飯食丫~ 

見呢排少同幸男影相,於是用NEX-3黎影吓生活照.鬆弛熊由幸男出世就相伴,當然要影番張合照啦.幸男愈黎愈講得多嘢同記得多嘢.幸男唔再講"打必D",學多咗大人講嘢,但詞語同短句子尾加上"喔",例如:食菜菜喔,有的士喔媽媽抱喔......咁既講法令人覺得幸男嗲咗,加埋招牌笑容,好難唔想笑.