住家火煱

晚飯唔知煮MUG好,外出打邊爐又怕幸男唔啱食,於是吉之島買料,屋企打邊爐.

幸男最愛食金菇,仲話"金菇係我既朋友".父母都係輪班工作,幸男少係自己屋企一家三口食飯,多數都係婆婆家食,或偶爾一家三口番嫲嫲屋企食.

陪幸男既時間唔多,但放工兼顧基本家務及補及日月品已很累(我同人家既耐力低於常人?),每天都好似過得不容易.

例假

今日放假,騎羊送台灣女生去接幸男放學,我就係卓爾居泊好愛羊,係大興攞定位等兩母子來臨.幸男揀咗燒鵝髀飯,雖然食唔晒,但都食咗大半隻髀.

台灣女生送幸男番幼稚園參加下午既稻香飲食文化博物館,我就騎羊入元朗搵相熟師傅為愛羊換機油.

換完機油,騎羊去友愛HANDS商場,為咗買日本制既動物造型冬甩,可惜無粉紅色草莓味,只係買咗黃色南瓜味俾幸男.騎羊上外母家,呈上冬甩俾幸男.因為留低咗書包係電單車收納箱,於是要落番樓攞.上番樓時,幸男已食咗一半有多,有剩既就雪住先.

騎羊兜去一田買壽司作晚餐(順便買埋Suntory All Free啤酒),加埋紅酒,享受一人浪漫沉思.

晏晝係元朗換完機油,於相熟紅酒店買過紅酒外,更買咗一對雕花紅酒杯,希望搵晚可以同人家二人世界,一邊睇租番黎既電影碟,一邊用新杯享用紅酒.

父子燒肉晚餐

是日Sleeping day,四點幾就上外母家接幸男係市中心行吓,睇玩具,幸男仲陪我去買白V領短袖底衫.六點左右就行去金舌walk in攞位食燒肉放題,因為book枱要三日前,七點後full booking.

已一段時間無幫襯金舌,食品水準無咩下降,只係order紙由一客變成一片或一件,本人覺得可以更加減少浪費.沙律同拼盤反而繼續綑綁式奉上,反而有啲覺得係志在減低客人自選食材既胃口.

平時有台灣女生負責人照顧幸男飲食,我負責燒食,但今晚就一手包辦.由於要one on one,餐飲只係同幸男一樣飲薑味汽水,啤酒都係留番屋企先飲(保留體力).諗起幸男手抱bb時,我都有推住bb車帶幸男出去同同事食晚飯.偶爾兩父子行街食飯或下午茶都幾好,因會傾多啲計亙動.困係屋企反而我有我忙家務或打blog,幸男有自己玩玩具.

食飽飽,原定等小巴,咁啱見有53巴士,結果幸男可以遊巴士河.

重遇日本旅行相熟飲品

邦邦報料,話七十一(國際啤酒節)有得賣日本旅行時飲過既SUNTORY期間限定啤酒,但我去過市中心七仔都唔見有.

今日騎羊去藍地同台灣女生食晏時,經過豫豐樓下時見有7-11,於是停車並叫人幫我入去睇吓有無得賣.人家行出黎話有,我就除頭盔入去問職員阿姐有幾多罐.阿姐入咗去雪房好耐,話無一箱包裝,連同已上架既罐數,共18罐.

係北海道飲過呢款期間限定啤酒,第一個感覺係好濃味,正~之後係便利店試過SUNTORY其他種類既啤酒,都係呢款最啱心意.

PS:食用日期係4月尾,可以慢慢消耗屯貨.

北海道東京親子旅行Day 13

朝早起身食過乾糧早餐,試咗好多次(閃燈都過熱)至影到呢張無咁反光既酒店景觀作背景之照片.原本諗住幸男生日正日,送上準備好既利是(係香港用科學毛筆寫"幸男")及有日本東京景物紙浮雕既生日卡.因為當日時間太趕,大家都攰兼未寫好卡既內文,於是順延至今日.生日卡中央既東京鐵塔同背景相映成趣,今日我地要離開日本了.

酒店大堂辦理check out,暫託行李,一家三口搭地鐵去淺草.

時間緊迫,我地係一間老字號既天婦羅店享用豐富午餐,結果當然係食唔晒.....

金龍山淺草寺外擠滿本地及外地遊客,好困難至搵到個位係雷門入口影相.咁啱有一對當地新人,身穿和式禮服,坐著人力拉車,於雷門外影結婚相,引來不少當地人上前祝福及白照.我自己都想講聲"おめでとうございます",並以相機鎖定新人既幸福笑臉~

原定穿過人群,直抵本堂,但被童裝日式浴衣吸引,結果停步購買,再係另一間店舖買男裝日式浴衣.

呢間食店個名,"三"令我想起"濕",笑~時間所限,未能行去幫襯.

到達目的地,趁無咁多人行過,打咭式影相留念.

本堂內標示著不可攝影,但不少外地遊客仍然用手機或相機拍照.尊重當地文化,敬重神明,本人覺得頂多係本堂外影相,始終閃光會影響文物之保養,喧嘩會破壞堂內既莊嚴.

幸男求籤結果唔錯,大吉是也.正當趕時間回程時,我特然肚痛,要係附近既觀光中心借厠所.不明朗因數相繼浮現-幸男扭眼訓,台灣女生要抱住幸男,帶住作腸抽筋既我行入地鐵站趕車.愈急就愈錯,車飛未能入閘,我望幾望就發現係買錯飛,要係另一部售票機買過.落地鐵後,急步行番酒店,幸好都趕切上穿梭巴士往機場.

巴士上食過人藥,訓咗大半個鐘,到機場時已無咁痛,只係攰啲.買埋食品手信,自己買咗支SUNTORY響17年,跟住就上機,一片心等食飛機餐.

今次唔係廉航,總叫有餐好食,有相熟品牌啤酒,點可以錯過呢(仲記得當年蜜月旅行回程飛機餐都有飲)?

幸男個兒童餐都好豐富吓,收餐後幸男睇座位前方屏幕既兒童節目(TOMICA特輯),臨落機前一段時間體力不繼訓著咗.

兩架行李手推車都載到滿晒,今次唔洗係免稅店買芝華士,因為係飛機商店買咗.

雖然好似過咗近兩個星期日本身活,但又好似過得好快,唔係做咗好多嘢.每天都係一家三口一齊相處,與平時番工日子相差好遠.怕自己因衰老而忘記,怕幸男因長大而忘卻,唯有用文字及照片記下人,景,事,以喚醒深處既回憶及愛.

北海道東京親子旅行Day 12

今次親子旅行,東京既景點除咗Thomas Land之外,另一個專為幸男而設既就係靜岡既既千頭駅睇1:1既Thomas蒸氣火車.

 

由於時間緊迫,大家都只係食自動販賣機既包同飲品充當午餐.

台灣女生特意安排幸男著尋日thomas land買既長袖衫去朝聖,幸男好認真咁睇單張.

碳足跡高既相片,因為搭咗成四個幾鐘火車兼轉三次車至到埗.幸男走上thomas停泊既月台,同心愛既故事主角合照.

路軌兩旁既月台擠滿遊客,一齊等待thomas火車到臨.除咗一家大細既遊客,亦有純影相成年遊客(唔知係咪細個都鍾意thomas火車呢?).

Thomas蒸氣火車出場啦,工作人員合力轉動轉車台,為thomas轉方向.面對真實比例,冒著蒸氣既thomas火車,即使唔係thomas迷,都會為虛構故事實體化而感動~

Thomas蒸氣火車接合車廂後,停泊於月台,為稍後既行駛作準備.遊客們繼續於千頭駅站與其他休運既thomas,hiro及percy合照.

買咗入場套票,可以玩站內既玩意,包括呢個路軌單車,由大人俾餅推動,小朋友純遊車河.

幸男非常開心,因為所有火車頭都係由實際蒸氣火車改裝而成,非一般塑膠展品可以比擬.

呢款手動既路軌車都幾特意,小朋友坐定,只需用雙手向前轉動把手動力桿.完成一圈後,幸男就行開咗,唯有影其他小朋友.

唔知呢部影相機係咪期間限定呢?

係樓梯度影相,一次過同Percy,Hiro,Thomas合照.

投幣式電動車又出現啦,今之回饋既卡片係主角Thomas~

一比一既thomas蒸氣火車外,仲有呢款迷氣電動thomas火車.雖然細咁多倍,但一樣可以載到小朋友0架.

不少遊客於月台最前方排隊,等候與thomas蒸氣火車頭影相.好在我地都趕得切係開動前排到最前,將相機交俾工作人員代勞.

舊車廂翻新配以thomas主題,座位比較狹窄,亦唔會有張大少少既枱俾你擺放飲品同弁當.車內不少係日本人一家大細黎坐呢架特式火車.坐我地對面位既兩父婦,帶住約4至5歲既小朋友及手抱bb擠入二人座位,很佩服佢地既愛心同耐性.

不少小朋友玩弄著木制火車型火車氣笛聲吹笛,但火車站禮品部已售罄,幸好火車上手推車仔既流動禮品部尚有一個.

係新金谷站等轉火車,其間我地入咗去火車主題This is Cafe坐低飲杯咖啡,幸男就玩店內既玩具.

店內除咗咖啡外,尚有少量小食供客人選擇,但惠顧既客人真係唔多....

另一架千頭站開出既蒸氣火車抵達新金谷站,乘客要好似我地咁轉搭電氣化火車番東京.

搭JR番東京站,約咗大佬同阿嫂係金重州出口等,一齊搵地方食晚飯.星期五晚上,好多食店都已坐滿客人,我地問到第四間至有位入座.年長女店員見我地係CHINESE,就叫咗操流利國語既廚師(學師?)出黎幫我地落單.勉強以半理解既國語介紹及日語餐牌,卒之都可以一枱都係野食.食品唔差,只係鰻魚好多骨,較九州既鰻魚飯遜色得多.

食完飯,搭地鐵去赤羽橋站,一齊行上去東京鐵塔.

電梯直上第一層觀望台,再買多次入場劵,我地就可以行樓梯上最高既觀望台.

燈光昏暗,ISO6400手持拍攝已係A7既極限(有腳架都無用,因地方唔夠容納展開既腳架,要顧及其家遊客走動嘛).

城市燈光蔓延至消失點,今晚係生日旅行既最後一晚，有點失落，有點唔捨得。

開放時間完結，臨走時不忘低炒影張東京鐵塔。細個受大熱日本風所薰陶，東京鐵塔與富士山永遠係日本既代表。大佬係鐵塔下，set咗好耐相機黎一齊合照(我只出腳架同閃燈).

番到酒店，安頓好幸男沖涼訓覺，人家忙於收拾行李入喼，我就落便利店買嘢飲。我同人家試過呢款零酒精兼零卡路里既啤酒，頭段麥味似啤酒，只係無咗中段既酒精味，以及尾段多了一像coke zero既味道。平日唔想飲咁多，搵呢款仿真啤黎減少份量，的確係好選擇.

邊食住Sky Tree買既芝士蛋糕,邊飲住highball同仿真啤黎陪人家執喼(我用把口),結果兩點至有得訓.等大佬同阿嫂時,係地下商場cd店買咗各樂器band既新碟,可惜要番香港至可以燒入手機聽(慳番唔洗係Hong Kong Record訂購).