北海道東京親子旅行Day 10

今日既第一個行程就係飛去東京,落機取回行李,由幸男揀選餐餐(望住個水牌黎指).

職員為我地泊係店外既行李手推車鋪上網,店內不少本地人惠顧,台灣女生同幸男分一個定食.

我就叫咗個牛舌拉麵,有啲黑椒調味,令清新既湯底帶來一點惹味,而且同牛味匹配.

食完飯,一齊搭單軌列車,幸男呢個樣好似好憂愁咁.....

樓上酒店既入口實在太奇怪,幾經艱苦至上到酒店有堂.職員話我地補多少少錢就可以將原有既望東京鐵塔房間升級,我地示意無問題,房間真係令人感到物有所值,非常寛敞舒適.

搭單軌列車向台場出發,貪近酒店,可以睇景兼食埋晚飯.

地標之一-自由女神像,不少遊客駐足拍照留念,究景全世界有幾多個自由神像呢?

呢個景點特別之處,可以望到彩虹橋及東京鐵塔.

黃昏時間,彩虹橋及東京鐵塔開始亮燈.

橋躉既燈光,唔係預期中既彩虹七色....

反正開咗腳架,又難得幸男有耐性影相,一於影多啲家庭照.

幸男話想食串燒,但幸男都只係食兒童餐,一啲都無串燒元素.我地散叫咗啲串燒雞,但好以無咩特別之餘,又有啲寡(齋雞)....

食完飯,繼續影相,通常呢啲燈飾風景位,都會有專人為你攝影兼晒相(收錢),難得今次無.細心啲睇,自由女神像,彩虹橋同東京鐵塔都入晒鏡.

台場出名有一比一高達像,雖然唔可以郁(只有眼著燈同排氣槽出煙),但都足似令一眾FANS感動.特定時間有投影高達短片(於商場外牆),配以音效,但我只係望咗幾眼就離開,湊仔先決嘛(行入商場睇tomica專門店).

行去另一邊既商場,為既就係坐摩天輪.

無論坐幾多次摩天輪,大人小朋友都係咁開心.

臨行去車站前,set腳架搞咗好耐至影到張合照,可惜我入攝時唔夠定.

番到酒店,熄晒房燈,以腳架穩固相機黎影東京鐵鎝夜景.飲住酒黎欣賞美景,一樂也.