北海道東京親子旅行Day 11

朝早起身,打開窗簾就見到東京鐵塔主題既城市,感動~

 由於要趕火車,我地要係轉線之間既空檔時間,係火車站內既小型快餐CAFE企住黎食早餐.

Bar枱坐位留俾幸男,我同台灣女生一齊企住食,人地趕番工,我地一家趕去玩.店舖細細地都間開咗吸煙區,不少白領食完早餐順便嘆埋支煙至走.

轉車轉到最後,坐呢架特色列車去富士急.

列車途經富士山時,乘客可於車箱內欣賞或拍照.

車頭賀駛室後方,有個小朋友既駕駛座位,讓小朋友可以扮控制火車.後來有另一位小朋友黎坐呢個位,結果幸男同呢位小朋友各一手執一支操控桿,偶爾飛象過河去另一邊.

今日天氣唔錯,同車既乘客都係黎富士急主是樂園,故要係售票處排隊買飛.

臨近十二點,我地先係餐廳食晏,幸男對日式咖喱非常受落.

尋晚係台場試唔到吉列豬扒丼,唯有今日食番.味道唔錯,而且份量夠晒大,我同人家都食唔晒啲飯.與香港唔同,日本既主題樂園餐廳唔會因為客人無得揀,而降低對食品既要求.

一行入門口就見到有路軌衝浪船,係餐廳對到正,成功捕捉水花爆發一刻.其實一入樂園門口,就不時聽到玩機動遊戲既尖叫聲.

爬樓梯上觀景台,遠望富士山.我始終覺得頂部有積雪至係最靚同最富士山.

好大風,試咗幾次,先至唔會吹亂個頭.

卒之都到thomas land入口,幸男展示尋日新買既thomas T恤.

首先我地去咗室內坐冒險卡車,主題係thomas火車同朋友為禮物派對作準備,路軌中途有停頓,與一眾火車頭拍照.人家係禮品部見到電腦屏幕裏,屬於我地既合照影得唔夠好,於是提意再坐多次卡車.人家滿意第二次既照片,乖乖地俾錢買番張正本留為紀念.

兩母子上咗去海盜船,係主題樂園可以影到張無人遮住既照片,係香港真係無mug可能.

跟住職員提示,幸男聽住音樂,搖住手鈴.

坐完Harold,幸男好似機師咁同直昇機影相咁自然.

雖然cranky無鋼纜吊住車廂,但車廂都會不定速轉動升降.

樂園所有玩意都係套票包括既,只係呢個電動車係自費既.投幣式雖然傷感情,但回饋既thomas & friends角色卡片,實在令小朋友滿心歡喜.

大型thomas火車陳設,幸男可以入駕駛室八卦下.

之後就係坐Thomas偽蒸氣火車(其實係電動),短短既行程裡,可以見到不少既角色亮相.配合音效同機關,小朋友好容易投入索多島既故事.

終點車站其實係一間大型thomas商店,從幸男既笑容就知道幸男既愉快(完全忘記上車前,係車站牌影相時唔小心跌倒既痛).

時間差唔多,影多幾張火車主題相.

第時幸男大個咗,睇番舊相未必回憶到自已有幾鍾情thomas,只希望幸男記起父母既愛.

回程坐既列車雖然無咁新淨同快,但勝在係thomas主題.

車廂內部充滿著thomas元素,日本非常在行於特色火車.

今次幸男仲可以帶埋帽,扮火車駕駛員.

夜晚時間,我地去咗sky tree行吓,領隊發現有士多啤梨雪糕批.

幸男話好好食,可以食一百條都得,人家試食過都讚好.

sky tree俾我既感覺好似一個商場(朗豪坊?),多於一個浪漫既景點.

當地人見我駐足以腳架配相機黎低炒sky tree,學生們都停步拎出手機影相,就連跑緊步既情侶都係咁,唔通佢地平時行過無留意呢個角度?

我地上咗頂層既餐廳食鐵板燒,無訂位,窗邊位已滿座,我地唯有隔遠望夜景.

二人餐,由於人家唔食海膽,所以我食雙份,正~

叫咗份和牛俾幸男食,幸男食得好滋味.

高級食材-鮑魚,味道好之外,擺碟亦好精巧.

叫咗杯Frozen High Ball,好似frozen beer咁有一層沙冰,飲落味道濃烈,有別於罐裝及小樽天婦羅店調制既high ball(威士忌靚啲?).

幸男沉醉於和牛之中,完成度達四分三碟.

呢款有啲似廣島燒,醬汁似章魚燒般.

第一次食鐵板燒龍蝦,可能我係香港幫襯既鐵板燒店偏向平價路線.

嘗試過食呢味鵝肝,但真係受不了那份油膩,唯有用手機apps翻譯成日語,示意只係我地唔太喜歡鵝肝,不是對廚師及食材有質疑.

原來跟餐既和牛,份量係得咁多,幸男仲食得多過我地兩個大人....

最係呢個茶葉飯,味道蠻特別,可惜我地已好飽.

結尾仲有個甜品,真係食到捧住個肚走.

番到酒店,再用相機為迷人夜景留下數據,但求番到香港可以用黎做電腦屏幕wallpaper.為免室內燈光影響,故要熄燈,幸男好投入"僕匿匿".