北海道東京親子旅行Day 6

原本尋晩呢隻船負責煙火表演，可惜天公不做美.日間時份,呢艘觀光船會送遊客去洞爺湖中間既島嶼參觀,夏季時份至會晚間放煙火.

朝早起身,梳洗完再浸多次舒活筋骨既溫泉,真係有啲唔捨得呢間房.

之前係札幌日日都趕唔切落去酒店餐廳食早餐,今次我地卒之可以用到朝食劵~

是日壽星女-台灣女生帶著玻璃頸飾,以愉快心情迎接生日既行程.

寧靜下的美景,很想坐底閒聊,呷口咖啡,隨心打個盹,或以任何方法黎過懶洋洋既一小時.

搵到有利位置,set好腳架,以花叢及洞爺湖來融入我們既家庭照.

幸男睇中咗呢隻天鵝船,原本以為天氣不穩,無得乘坐.幸男幾乎喊咁滯,見攤檔有人,詢問過才知有得租用,於是就呈上千五円,租用30分鐘,幸男心情V型反彈~

半個鐘時間開始,於湖面望向檔攤既景象,以及溫泉旅館.

天鵝艇既推進引擎之一,我對腳.......壽星女擔當另一個引擎,幸男係中間位負責操控槳柁.水流加上風向,令天鵝號未能直攻湖中央之島嶼.路途遙遠,即使拉直線行,半個鐘應該唔夠來回,故睇住手錶,約十五分鐘就回頭是岸.

準時埋岸交艇(雙腳超軟),其實攤檔仲有快艇出租,但腳踏引擎既天鵝艇較切合親子活動.爸爸媽媽既合力,應該俾小朋友對夫婦及家庭既概念...

趕時間去JR站,上車既月台係對邊,我叫人家帶幸男先過去,我就從對面為倆母子合照.突然一股陣風,令人家既頸巾及帽子都被掀動,幸男細心又醒目地為媽媽按住帽子.當我過天橋會合人家同幸男時,人家既帽始終都俾陣風吹飛至路軌面.趁未有火車到站,我將相機交俾人家,再跳落路軌執番頂帽.人家踎底接我遞上既帽子時,幾乎令鏡頭鋤地.....

搭JR去登別,再搭巴士,落車後領隊唔知溫泉旅館所在地,我向一名身穿和服既女士詢問.原來佢係該旅館之職員,正前往上班,於是帶我地行到去門口.

和式房間，幸男第一件事就係枱面攤玩具出黎玩。

經過景點之一"閻魔堂",事後睇番旅遊書介紹至知係特定時間,閻魔會變成惡臉,堂內播出詭異音樂.

近三點鐘,溫泉街上很多食店都關門休息,只係得番一間賣新鮮水產既食店繼續營業,不過都要等幾張枱至可以入座.

食完晏,行咗去附近既泉源公園,閻欠泉每隔3小時就會有滾熱泉水爆出既情景,我地咁啱撞正時候~

公園內彌漫著溫泉水源既煙霧,園內有九支狼牙棒,每支都唔同顏色及代表不同既祝願,遊客可以將寫上願望既繪馬掛上.

一家三口出發去地獄谷,先係起點拍照.

示意幸男以水樽作勢,扮藍色既鬼像.

幸男無被巨大又惡相既鬼像嚇倒,反而仲好興奮.

登別既紅葉,比之前既豐平峽及札幌滑雪場所見既多,顯得該兩個景點有點遜色........

地獄谷只係登別溫泉園地既一部份,有唔少國內遊客到來,我仲目睹國技"飛劍".

荒蕪加上泉眼之溫度及煙霧,確實令人連想到地獄.不少遊客前往"鉄泉池"一睹泉水爆突既奇觀.

我地行咗另一邊既山路,一心搵個高少少既展望台,無諗過會變咗"親子樂膠遊"...

十三度左右行山,唔會覺得太熱,而且路面尚算寛平,大人及小朋友都唔會感到吃力.

幸男好鍾意郊遊行山睇景,一啲都無話悶,似終平時係香港少見咁靚既自然風景.

望番個地圖,原來當年我地去旭川同釧路都幾遠吓,今次帶住幸男,只係札幌附近既地方.

行到有啲唔知係邊,於是停低望下地圖,我地已偏離咗旅行團既人群,只係偶而撞見行對頭方向既遊客.

"咁靚既風景,係要行得咁辛苦先可以欣賞到"幸男話(模擬Thomas旁白).

壽星女同抱住幸男合照,有山有水有紅葉,可惜天陰.

五點左右已開始天黑,大家加快步伐.其實呢張相比實際光,我地係睇唔到一條條既木條,我落去問近樓梯既後生男仔如何行番落去大街.男生知道我地無開車,於是用google搵我地間酒店,示意我地原路折返,沿馬路行轉兩次右.轉完兩次右,沿馬路行落山,係未完全黑齊時,以尿袋為手機充住電黎開led燈黎照路行.馬路無街燈,幸男無話怕黑,"無喎,有爸爸媽媽係度嘛~",不時有私家車落山越過徒步既一家三口.望見最近既溫泉旅館之燈火,我同人家才鬆一口氣,過咗六點真係完全漆黑.　

行咗陣溫泉街商店，便利店買埋飲品,惠顧完旅館禮品部就上番房間。客廳已安頓好被舖，茶几亦被放近廳邊。

趁未夠鐘開飯,我同幸男去男子浴場浸溫泉,戶外湯池有個溫泉滑梯,兩父子一人一條滑道,一齊向前向下加速.幸男唔太受得最熱既溫泉水,頂多38-40度,落低溫泉水降溫(38度以下),可以再浸38-40度.人家獨個兒享受難得既恬靜,比我地早番入房間,等齊人就出發去開餐.

晚飯係自助餐形式,牛肉無尋晚洞爺既咁好味,但勝在有蟹食,而且刺身種類較多.

晚飯有至愛既三文魚子波波(刺身),幸男食得笑逐顏開~

晚飯過後,又係生日合照時間,心水清的話,應該認得出尋晚既蘋果批繼續擔當生日蛋糕角色.幸男享用蘋果汁時,突然苦情地話"爸爸,蘋果汁有汽水味,唔飲咯.."."點會有汽水味呀?",試飲後,望下樽身招紙,真的搞錯了...........

拎起散紙包,跑落地下既禮品部,可惜已關門(十點鐘),於是以單薄浴衣行去對面馬路轉彎之溫泉街內既便利店補買蘋果汁(出旅館門口前問過接待處職員老伯可否著成咁外出),為咗大人對小朋友既承諾.

PS:生日快樂,台灣女生,我的溫室小花~無諗過唔愛行山既你我,會係今日一齊親子樂郊(膠)遊.