非常盜2確實無第一集咁特出,欠缺了FBI Dylan與法國國刑警Alma之愛情線,以及當初四騎士被召入伍之神秘,感覺似係加入魔術元素既OCEAN ELEVEN.
不少澳門街景都係掛住大燈籠,甚至睇得出係廠景,外國人對中國既觀感好似無與時並進.澳門取境,唔知係咪方便打入中國市場呢?
原來所謂既科技巨商之拍檔Walter,其實係第一集保險富商Arthur 之私生子,一心為父報仇.Dylan之父親因夾萬逃生表演失敗而命送河道,但當年之保險公司無向Dylan之母親作賠償,故Dylan於上一集率領四騎士向保險富商Arthur報復.
風水輪流轉,Walter以Dylan之父親當年表演用既道具夾萬,將Dylan反鎖並投入河水.幸好Dylan於父親合作過既澳門魔術店獲得亡父之手錶,並以手錶之道具,智破夾萬機關逃生,完成父親未完之表演.
結尾部分四騎士個別既表演,以主角Jesse既控制雨水最為精彩,雖然解釋係以燈光閃爍來產生雨水半空停止之錯覺,但最後既冒雨躺地消失(只剩下外套),明顯係電影特技.
飛機道具佈局一幕雖然有點牽強(Arthur與其私生子落車後,被騙走入碼頭附近既大型流動平台,並被暗中送到泰晤士河上?),但總算呼應"今晚我地將死人帶回人間"既主題,讓假裝過身既Walter現身人前,並奪回可以盜取個人資料既手機電路板.
PS:第一集非常盜係2013年6月13日上映,正值係我同台灣女生既結婚註冊紀念日.事隔3年,再係呢一日睇第二集,可以話係情義結.
