買落一段時間既消閒書,近呢個月至開始分開一個個章節睇,因為每個章節為獨立故事,但呢九個故事又亙相聯繫著(例如影響第一個故事主人公既角色,將會係第二個故事既主人公或其中一個角色).每晚睇一個小章節,今晚(睇到一點多啲)卒之都完成.
"九位來自不同環境卻相亙影響的主角們,
各自懷抱著無可避免的煩惱與悲傷,迷惘與不安.
透過與人邂逅,體悟生存之道,
進而滋養造就出全新的自己.
這樣因牽絆而斷循環的故事,
就是我們所在的人間."-書背既引言,吸引著我去選讀呢本書.
最後章節故事既男主角(向初戀女生-河原結佳求愛既中學生安田純平),竟然係書本首個章節故事主角(愛打棒球的小學生)安田佳純之父親.如果唔係睇埋第九個章節之後既結語,真係想唔到呢個關係,即使有介紹佳純名字既由來,係父母名字裡各取一字而組成.
經過一個世代,由8位亙相萍水相逢既人接力,一個影響一個,父親年青時既言行,結果間接滋養了兒子既心靈.
PS:唔知與我相處過既人,有無因我而得到一點啟發或觸動呢?
