板長外賣

落雨天，唔想冒雨出街食完飯就番屋企，於是揀咗唯一有外賣服務既板前壽司.上網落咗柯打,明明話因天雨關係要近八點至送到,但七點幾就收到電話收貨.出奇地唔係綠色綿羊仔上既後生送貨員,而係綠色的士落車交收既係一位身穿皮鞋,西褲,長袖恤衫,領呔既中年男子(店長?).

係選擇唔多既網頁下揀選咗是晚餐單,冷涷烏冬係俾幸男填肚用,因為幸男只食三文魚子壽司同軟殼蟹手卷.

大既唔食,細既都要食.如果得兩公婆,大可以外賣KFC就算,小朋友又好似應該食得均衡一點.

新鮮度不容置疑,只係相比元氣既價目略貴,但總算可以安在家中用膳,不用奔波勞碌.