謝師宴@黃金海岸酒店

幼稚園都有謝師宴?無錯,今日我就同台灣女生一齊去黃金海岸酒店既池邊宴會廳參加幸男既幼稚園謝師宴.

大家都把握機會,與相熟同學合照,始終入同一間小學既機會唔高嘛.

原本係幸男與女同學合照,但突然多咗個男同學出現,湊成個"嬲"字.唯有就一就相機位置及鏡頭方向,成功拍下二人合照.

幸男呢張相好似係新郎哥怕醜敬酒咁"多謝多謝,隨量隨量..",好好笑~
自助餐食品偏向小朋友口味,肉醬意粉,炸雞塊,雞翼,啫喱,蛋糕...

同學們拎住禮物黎同班主任曾老師合照.

幸男將有份整(10%?)既手工花送俾班主任,老師當然開心.曾老師係幸男K1同K3既班主任,唔知佢對幸男印像深唔深呢?

全班同學上台向老師們獻花,之後再一齊大合照.

幸男與要好既同學行埋一齊,好似外國高中畢業晚會咁~

幸男不時走出去同其他同學傾計聯誼,總算認得枱號,可以自己行番埋位.

幸福男孩,希望簡單快樂既童真,可以成為你往後既正能量~

每位學生都會收到一隻畢業啤啤熊,期望呢隻熊仔可以陪伴幸男經歷每一個求學階段(要好好保存至得~).