幸男六歲生日

明天番學日,所以幸男今晚只可以區內慶祝生日,幸男揀咗食拉麵.為咗令是是與平日唔同,特意安排放學後直接回家,不用去功課班.完成是日家課,就一家三口出門搭小巴去市中心.婆婆中途進入店內,交收明日幸男番學既用品,順道望吓壽星孫.

晏晝人家帶幸男回家時,我就騎羊去置樂攞預訂既主題蛋糕,好讓晚飯後回家享用.

生日禮物係幸男之前係日本買既新幹線機械人系列玩具,平時已係吉之島玩具部隔住玻璃窗吼住,實物到手立即拆包裝.

生日蛋糕同禮物都係火車主題,借埋人家尋日收既鮮花,一家三口齊合照.

蛋糕得個樣,生果料唔多,補咗錢轉芒果同士多啤梨都好似食緊忌廉海綿蛋糕,下次無交易....

完成變形後,幸男同兩個機械人合照.舊年幸男尚未懂得如何將火車變形及組裝為機械人,而家已經非常純熟.生日前席,幸男話"你地就好啦,生日可以放假",睇黎小朋友真係好想生日可以盡情怠惰或出街遊玩.

"幸男, 生日快樂!健康長大!"經歷過今個生日,令我更欣慰舊年可以一家人生日去旅行~