大假完結前的星期六

今日同台灣女生一齊去接幸男放興趣班，早少少係安定HANDS商場食晏。平日咁多中學生及帶住小學生既家長光顧，理應唔會太差水準。

 人家揀咗燒牛肉定食,賣相交足功課.

我叫咗芝士咖喱豬扒飯,味道唔錯,只係青森蘋果份量較少..

追唔到班輕鐵，到達足球班場地時，大隊已開始熱身跑圈。家長們係觀眾席觀望或以手機拍照，我就以無反配天涯鏡作紀錄。

是日天陰,足球小將們可以如常上堂,是日較似樣既相非呢張莫屬.

幸男被教練發現沒跟從指示練習,所以上前當面示範兼要幸男重覆練習.

沒有正式分隊比賽,只係小組型式遊戲比賽.四人一組,最後既隊員用手將足球向前滾動,經前方組員胯下送到最前既隊員.最前既隊員要盤球至界線並控定,再跑前拾取前方之膠飛碟,番回界線並盤球至隊友前方之雪糕筒.放下象徵得分既膠飛碟,手持足球走回隊尾並向前滾動足球,重覆運作.

樣子好認真,雖然球技好一般,但幸男好喜愛一伙兒踼足球.

最後點數,幸男所屬既小組獲得最多分,與隊友一齊享受勝利喜悅,仲同幼稚園同學一齊攬攬添~

幸男與人家搭輕鐵上婆婆屋企等食晚餐,我就先番屋企放低啲嘢.於天橋上影下magic moment,如果有腳架就可以試多幾個設定效果.

夜晚去元朗會合大Vicky一眾前輩係阿倫私房菜食飯,無諗過會有大閘蟹食,更加無諗過會俾蟹殼界親......

主菜係雞煲火鍋,齋睇都知惹味.

呢個海鮮拼盆真係不得了,除咗種類多,舖排亦好在心思.

其實今晚既另一主題係十月之星生日飯,四位十月生日既男士開心與大家一齊聚會.

大合照時間,原本趕唔切黎既慧賢,可以中段加入.多得大Vicky人面,大家可以享用獨立房,可以盡情邊食邊傾,開開心心~

PS:接幸男時口多同台灣女生講"都唔見有小學同學既?",點知係家長們之中見到一位樣貌熟識既女士,該女士上前問我貴姓原來真係小學同學.廿多年後於同一間小學相遇,覺得好開心.對上一次與小學兼幼稚園男同學相認,係自己既工作坊.得知大家都安好,心裡就已經好滿足.