親子單車日

送俾幸男生日既單車，卒之可以落地實戰，地點係新屯中附近湖山公園既交通安全城。

安全城內有模擬街景馬路既環境,雖然話單車唔入得,只可三輪車,但不少家庭都係度陪小朋友學踩單車.輔助轆已被我校高少少,但幸男都係習慣借用其中一個輔助轆作支撐.嘗試雙手扶持把手,並向前跑動,讓幸男感受純前後轆作支撐人與車重,平衡與無重之間向前疾走.

兩位小朋友各自於交通安全城內踩車,偶然相會後又分道揚鑣,只可趁休息時為佢地合照.

其實今日孜孜既嫲嫲都一齊黎襯高興,V City一齊食過牛角燒肉午餐後,我地上婆婆屋企攞單車再搭的士去新屯中會合孜孜一家.

公園小食部有菠蘿冰賣,幸男食得好入神.

食過菠蘿冰,幸男同孜孜一齊去遊樂場玩,我同師傅就坐係度看單車兼閒聊.傾既不再係少年夢,而係生活難題及展望.希望我地既下一代,可以延續上一代既友誼.