放工騎羊番屋企攞埋冰袋飲品，再騎羊入黃金泳灘。假期日，停車場塞滿等位既車輛，我就係車罅間扭入僅餘既電單車排骨位。沙灘同停車場一樣，夠晒熱鬧。
落水前，兩母子合照～幸男上顎門牙缺口，好似廸士尼高飛。
準備落水啦，呢一幕有啲似將海龜放生咁…
天涯鏡拉近淺水區，小朋友同家長們一齊嬉水.不過離得太遠,唔夠大聲叫大家一齊望過黎入鏡。
婆婆為小朋友準備咗冰菠蘿,大家都心急掛住食,無心機合照。
全體大合照,小朋友既配合程度大致良好.我都有落水幫手看管小朋友,但自己比較喜歡游水既時光(已好耐無去泳池)。
大型充氣浮床,全部都係淘寶貨,要放氣壓扁,都花咗唔少時間。
尾段時間,小朋友係岸上玩沙,大人就動手收拾行裝.
人家帶幸男沖身後,我就騎羊將濕水既用品帶番屋企.自己沖完涼兼換衫,搭小巴去新金榮會合大隊食晚飯。
PS:懷念以前放工放假去沙灘飲酒曬太陽既閑情,番晏前去泳池既動力
