搬屋前的奔波

番完夜班，中午訓醒就去食晏，兼走多2細箱紙盒去迷你倉。

番屋企低愛羊,搭小巴去市中心會合台灣女生,一齊搭巴士出旺角,睇吓裝修既瓷磚,面盆,座廁,花灑龍頭以及浴屏.由於店鋪七點左右就拉閘,所以唔係睇咗好耐.

行到一頭霧水,行番去附近既朗豪坊搵地方食晚飯,最終都係SKYBAR食.如果當年間Mr. Steak仲係度的話,我就一定會試吓dry aged牛排.生蠔拼盤同是日生蠔各一,兩口子好耐無出街食生蠔(二人世界不再嘛).

白酒忌廉青口,湯底真係又香又滑,用麵包蘸黎食,真係好夾,無醋油咁單調.

雖然侍應生話呢個位會喵嘈少少,但我就喜歡live band既感染力.

五成熟牛排,兩個人分黎食,份量都啱啱好(有生蠔作頭盤嘛)~當初入伙資金不足,無咩搞額外裝修.捱咗近七年,發展商既裝潢已經一一破損,加上浴室問題,不得不正視裝修事宜.......