番叮隔夜餸,加個杯麵,咁就係是日午餐,賣相都唔算差丫.
騎羊去置樂既救世軍家品店,為完好未拆封及新淨既玩具(幸男同我都有份)搵下一個主人.店舖將收集番黎既玩具家品轉售出去,但毛利用作營運及慈善.多得我Emily將呢個咁好既地方話俾我知,因為扔去堆田有點浪費兼對唔住地球先生.
係市中心買幸男既下午茶,騎羊番屋企執好個冰袋,做個好執事爸爸.
預鬆時間,泊好羊,仲可以影番張相黎留念,話晒都臨別在即.
見雨天場未開閘,係正門遮蔭位與一眾家長叉腰蹺手滑手機作等候.
吸取上次既經驗,特意帶咗個方兜俾幸男盛住個蛋糕黎食,唔怕跌落地兼一手忌廉.
家人接放學,係鋪有墊布既長整食下午茶,十足野餐咁,幸男當然開心寫意.
PS:雖然功課時間同我細個時相若,但要近三點至放學,確實比我果代少了休息及玩樂時間.希望悉心準備既茶點可以慰勞幸男,兼打打氣.
