觀課日告吹，區內慢活補給

由於幸男病咗,原定既觀課日告吹.台灣女生先上外母家睇幸男,我就晏少少騎羊去接人家食晏,忽然諗起去試食貝爾特既午餐.

午市時段,人流唔算多,餐牌上既選擇與晚時差唔多,只係無沙律同餐湯(但價錢平咗近70蚊兼包一杯飲品).

一向對酒店既奶茶都無咩期望,但呢杯"大排檔奶茶"就真係拍得住茶記.

香煎雞扒配喇沙汁伴椰香飯,聽個名就知係人既選擇~

虎蝦菠菜意大利飯,晚市試過幾好食,所以是日再追.

騎羊送台灣女生番工,自己就係市中心購物補給,吉之島超市買咗呢支金箔梅酒俾人家,仲R到支試飲裝桃味梅酒.

吉之島超市買定燒鰻魚做晚餐，今次包裝內有獨立既醬汁包及香料包。即使係微波爐菜色，都唔會係太乾身，加埋香料碎，埋相十足出街食。

PS:係排骨位停車場見到有X MAX，望落去都唔差，唯獨雙後避震要扣分。

X MAX 300車價$59800，比$71900既Burgman 400更抵，可以追回100cc及單槍尾避震之落差，吸引不少P 牌仔出新車。