T MAX-心動不如行動

之前已對TMAX 530 DX心動，最近官網公佈新色，前叉套及刹車鉗螺絲轉為金色，車身中間兩邊既回力刀型外殼由銀色轉成反光黑色，令我不得不作出行動。

早更過後，番屋企泊好愛羊，追住巴士app時間表岀村口搭巴士，上公路就訓…

假期六，店內都多人黎睇車。搵番較早前作電話查詢既職員,問多少少細節項目,再試騎座高一樣為80cm既X MAX,就係無現貨睇過既情況下開單落訂。

開完單,行去隔離舖既官方精品部,訂埋後座椅背,兼研究吓油箱袋既實物。YES GEAR職員開單時,我同職員講已夥拍現役愛羊12年,今次係人生第三架綿羊,如可以合作12年,到時我會50歲,掛靴前揸TMAX都叫榮休丫(職員賣口乖話我唔似38歲)~

一切準備就緒,八月番車就交一半車價,八月尾交車兼清尾數,即日安裝後座椅背。唯一擔心既係二代羊放賣既手續,以及腳踭唔到地黎騎新羊。

PS:記起第一代與第二代綿羊之間既空白期,雖然只係兩三個月,但感覺過得好慢同好無動力.........