當一天陪診暨外展員

又六個星期喇，帶老頭子出尖沙咀覆診，順便直接搭260X番市中心。因為託台灣女生約咗髮衛15:30做染髮，所以先係新都搵間$70速剪。"唔好成個科學怪人咁，嚇親個孫好唔好?"，老唔代表咩都唔緊要同求其。"係咪一心出殯做死個化粧?"，半串半鬧，再加大動肝火，先至可以推得郁行一次一少步。

老頭子染髮時，我行咗去PACIFIC COFFEE坐，校啱時間就去接佢走兼找數。雖然髮型只係沙煲式短髮，總算望落企埋啲。

連食都無衝勁(只鍾情燒味)，唔知係戒口太耐所致，定係抑鬱既徵狀?食量少，減少咀嚼機會,又亦或係太少說話及表情，臉頰肌肉都退化?趕時間放老頭子番屋企，唔記得咗係COLUMBIA留咗鞋俾佢試(上次大雨覆診時對鞋外面發霉)。

PS:老人家坐起身都好依靠手拉扶手柱，睇黎都要買復康腳踏車俾佢郁動多啲手腳。