呢排都係驟雨頻頻，明明臨放工望天文台app話無雨，點知轉彎無耐就落雨，要急急係天橋底避一避......
天文台app預告20分鐘至會細雨，唯有拎定雨褸出黎，轆住電話等細雨。細個時好鐘意落雨，可能係因為我有把藍色底白色字圖既星座遮。見雨勢減弱，立即用雨褸包埋背囊嚟開車(咁啱seat位下擺咗嘢)。
今晚台灣女生有約，所以得我同幸男兩個人食。放工前已夾好幸男食和牛拉麵，所以直取v city買外賣。雖然重開晚市，但都唔係間間食店都坐滿，我就濕住褲(雨褸跣晒雨水落屁股位)黎邊坐邊等嗌冧巴。
番屋企快速抺車兼焗埋碟雞翼，沖好個涼就正式開餐~太忙亂了，叫幸男代影相及send俾媽媽作滙報。
