今日與兩母子晚飯後，騎愛駒去老家為老頭子洗頭沖涼，吹埋乾個頭兼收拾毛巾及其他用品，至番自己屋企。舊年睇<俺の家の話>，無諗過自己會好似男主角咁，要為照顧老人家而考量，擔憂及用心。自上星期起，一星期兩至三次過去幫手換衫,洗頭沖涼，實在忍唔住佢面上既及頭髮上油質既皮屑。第一次強迫清理時，直係好震撼-原來胸前及背部都有厚厚既老泥，指甲腳甲亦厚長至嵌入甲床，甲隙更藏著垢物.......關節不靈活，做成既不便，原來我一直俾老頭子忍瞞著。
精神科跟進咗半年，總算控制住失眠及慌恐，但終日留家不外出既新習性，加劇了自身既關節不靈活, 及肌肉流失........好唔想老人家入老人院，但始乎我所做既一切，只係勉強著自己既初心。
