父親節to me

朝早無落去排自助早餐，台灣女生打電話落前枱嗌ROOM SERVICE，幸男果份都係要另計。睇戲就睇得多係酒店房食飯，今次卒之目睹長方餐車變圓枱既示範。

由於晏食早餐,所以中午時份至落去泳池領取氣酒，幸男當然只係代爸爸拎住黎做樣合照。

明明升小三既暑假學過游水，而家話好驚水兼認自己唔識游水......幸男同我一樣覺得係房好過落黎曬，但一樣都係順同一個女人意落咗黎。

HEA到四點幾至check out，怕父親節正日多人外出用膳，於是係ifc附近搵咗間拉面店食埋至番屋企。我揀咗煙熏黑椒豚骨拉麵，再加慢煮叉燒，真係幾好味喎~

兩母子分別揀咗貝汁鹽味拉麵，以及貝汁醬油拉麵，食到臨尾至醒起無為佢哋影相….

酒店大堂有氣球派，無諗過幸男仲會要氣球。早食完個晚餐，行番去中環碼頭搭渡海小輪去尖沙咀轉巴士。

落船無耐就見到有雪糕車，幸男話想食就自己走去排隊買。相機放係酒店房太耐，搞到一拎出黎就有霞氣，錯有錯著令張相好在即影即有相紙feel~

對上一次係鐘樓下影相，應該係2013年暑假，因為我有曬張相放係當年新工作坊既枱頭。近來確實有點迷茫，唔知幸男第時會點睇我呢個父親呢?

PS:今日係酒店卒之都同幸男一齊打爆咗AGENT A(100円既SWITCH特務解迷game)，當中都有上網睇攻略出下貓。