幸男暑假前既試後活動早放學，於是約定佢今日一齊去市中心stagE睇戲。戲飛由台灣女生買定，慳手續費嘛~
上集《水晶骷髏》已係15年前既事，今集環繞既寶物係The Dial Of Destiny，電影海報己透露不少場境。
開場以Indiana Jones年輕時與拍檔Basil Shaw混入納粹軍(不得不佩服電腦特技既應用)，調查聖物-朗基努斯之槍作引子。雖然朗基努斯之槍只係膺品，但意外地得到安提基特拉機械(Antikythera mechanism)-阿基米德所制既The Dial Of Destiny半個。
事隔多年，退休在即既Dr Jones被Basil之女Helena(亦係Dr Jones既契女)，以論文主題為名，追問當年半個安提基特拉機械之下落。豈料Helena以黑市買賣文物為生，Dr Jones更受神秘組織追捕，唯有親自前住摩洛哥奪回文物及查明神秘組織之目的。
經過一番轉折，原來當年Basil著迷既The Dial Of Destiny確實係一個可以改變世界既裝置，神秘組織需要Dr Jones既知識去拆解尋找剩餘既半個The Dial Of Destiny。
動作，冒險，解謎以及古文明，集合過往系列既元素。不過由第四集起，就不再圍繞基督聖物，反而好讓系列由納粹秘寶作主題。
原來The Dial Of Destiny係可以預測時間罅隙既裝置，變相可以回到過去。
神袐組織實為納粹主意者，首領Jürgen Voller更係當年納粹軍既科學家。Jürgen Voller一心要回到過去，並取締希特勒，帶領納粹黨戰勝世界。
無諗過Dr Jones既板塊運動論(輸入結果會有偏差)，成為故事壓軸扭橋及驚喜，一眾回到公元前時代Second Punic War，呼應開首Dr. Jones講授既課堂內容。
上次係Disney+，一家三口一齊睇UNCHARTED，見幸男睇足全程，所以估佢會有興趣睇Indiana Jones，但無諗過佢會俾9/10分。
PS:我同幸男講奪寶奇兵係盜墓者羅拉既先驅
