今日既主題係泰晤士河遊，所有景點都係搭船去。其實上船既碼頭，正正係Cutty Sark隔離。好耐無搭船，平時頂多坐渡過小輪。可惜船內既燈光反映有啲礙眼，少了一份電影感。領隊話Tower Bridge好靚，所以駛近時再影多張。
原本班船可以直往London Eye，點知我哋大鄉里，以為老馮站站停。原來要企係出口門邊，船員先至意會有乘客要落船，否則會飛站（除非咁啱下站有客等上船）。
係目的地後既一個站落船，食住風嚟影風景照，等半個鐘後既下一班船。錯有錯著，今次埋碼頭前可以為兩母子，以London Eye作背景合照。幸男一落船就用自己既視覺去影摩天輪車箱。領隊一早買定Pass，直接排隊入箱。
其實卡箱內都有20人，只係我哋塞埋一角，睇落好似好清優。
上到早頂無耐就落雨，正如Uber 司機所講，連天文臺都話唔實你知幾時會落雨。落番地面又停咗雨，幸男嗌肚餓，去咗買支可樂同細薯片頂肚。河既另一邊，就係大笨鐘同西敏寺。領隊係咁話要補拍，於是衍生出呢張混大笨鐘同London Eye既打咭照。Fish & Chips係英國係無處𣎴在......無諗到舊式雙層巴士都可以變成美食車。舊式電話亭已變成WiFi Spot，香港都好少未拆既電話亭。午餐原定係觀光巴士內享用，由於未夠鐘，幸男係巴士站坐住碌手機等。搵到我哋要上既巴士喇～原來下層就係廚房，廚師見到我哋個遊客look就揮手歡迎。
上層為餐枱區，我哋坐最後既一角。枱面有特制既杯架，令飲品唔會因車輛開停而跌倒打瀉。前菜係Salmon Tartare。坐車尾既好處，就係有大大個街景做背景，去到Tower Bridge，領隊更加忙於舉機。
Pan Seared Cod，話有味噌汁，食落又唔係好濃味。玻璃天幕，方便遊客抬望街道建築名勝，枱邊仲有個speaker作沿途介紹（可惜我已無法一心多用咁聽呢份listening卷）。Duck Breast，卒之可以試到正宗西式紅酒汁。
幸男個魚漏咗單，所以大家完成3個course menu，佢先補食。
車程當中有幾次較長既停頓時間，乜倫敦真係咁塞車？我落下層去廁所就明白當中玄機，原來司機都去埋廚房幫手。
巴士午餐觀光後，我哋趕去下一個景點。途經一個公園，有大大隻松鼠造型既藝術品，提大家小心留意松鼠出沒及呵護。細雨下，擔住遮去搵西敏寺既入口排隊，兜錯兩次路至壓線15:30到達。低光下要調校一下A7iii既設定，無手機既方便，但求高一點像數及一分愜意。人頭湧湧，行到景點要舉機都唔係易事，反而開放空間兩旁既古物，比較容易被收納。燭光永遠都讓人感到溫暖同光明。領隊自得其樂，邊聽住英語導賞，邊逐個check point造訪。由於五點就閉館，所以都有啲走馬看燈。
領隊用電話影我哋呢兩位唔太熱情既團友，唯有擠出笑容作應對。記得以前讀西史時覺得好難，因為要記大量年份同背英文名，不過對偉人物語電視卡通就無抗拒。唔聽導賞旁述，都睇得出係文豪莎士比亞既紀念碑。臨尾領隊介紹呢張皇位加冕座Saint Edwad's Chair，天涯鏡拉近黎影，完全唔覺係隔位個圍欄黎影。臨走都低抄番張外牆雕像照，打blog呢刻上網search至知係10位20世紀既殉道者。兩母子既合照，其實我係企係馬路嚟攞景。天色放晴，可以為大笨鐘影張金碧輝煌既地標照。其實呢個係斑馬線位，所以個個都係等過馬路，背向我部相機。無諗過咁舊既巴士仲可以正常運作。卒之見到紅色電話亭，
等搭船時都望到London Eye，領隊不停狂影。
幸男見到自己張相有個London Eye係頭後面，成個佛光初現圖咁，笑到失控。
今晚食飯既餐廳Trafalgar Tavern都係挾泰晤士旁邊，呢間前身為1837年維多利亞女王時代既旅館，賣點係多位著名藝術家，政治家及作家既聚腳地。領隊專心睇餐牌。幸男帶住漁夫帽，令我諗起漁夫之寶。餐廳內有顧客嚟淨飲，亦有三五知己小聚暢飲。我行咗去吧枱落柯打兼問啤酒選擇，女職員介紹咗兩款俾我，仲每款都斟咗少少俾我試。原定係度食威靈頓牛，可惜餐牌無，唯有叫番dry-aged shorthorn牛扒。Rib eye同Fillet各一，同領隊一齊share變成雙拼牛扒。幸男揀咗漢堡包，影相時忍唔住要偷食薯條。餐廳有三層，唔知上面果兩層係咪要包廂至會開放呢?河邊有後生既玩自拍。我就高抄為兩母子影沙灘合照。踏入青春期，幸男固執多咗，平時花唔少時間去誘導佢如何瞭解自己。影完呢張相之後，幸男既笑容回饋了為人父母只想讓兒女見多識廣，去探索自我既心寄望。夕陽無限好。行番去屋企途經舊皇家海軍學院，閘口己經閂埋。Greenwich Foot Tunnel，可以行人隧道穿過泰晤士河去對面既Millwall再次經過Greenwich Markert附近既大街，行番去B&B住所。
