對上一次長途機已經係結婚個年去關島，事隔16年，今次一家三口登陸英國希斯路機場。幸男拉住hand carry喼，大家一齊等寄艙既行李由運輸帶送出。拎齊行李就經預約好既接送司機，帶我哋去機場既停車場上車。途經既交通路牌，滿滿英殖時代既味道，好似重溫80年代既香港背景You Tube片。沿途唔少舊建築物，最經典既莫過於係紅磚外牆，仲要係麥當勞添。
大半個鐘車程到達是晚下榻既酒店，由於未到。check in時間，只能將行李暫存大堂。
酒店大堂以球會簽名波衫作主題，切合晒今次英倫足球之旅既主旋律。
幸男搵到愛隊既波衫，展示既位置非常方便合照。
酒店隔離就係溫布萊球場，所以大堂既佈置主題係呼應著地標。
九點都未夠，街上開始多番啲行人，見到外送單車手。
天氣清涼，空氣亦比香港好，領隊邊睇電話邊視察附近食店。
行咗一陣，我哋揀咗呢間cafe，貪佢門面好啲同選擇多啲。
入到去望餐牌，除咗英式早餐外，仲有中印食品選項，睇黎中印都係主流既當地居民。
等上餐已感受到慢活節奏，唔好睇少呢份無跟餐飲既早餐，差唔多每人一舊水。等餐期間，見到街上唔少人行去教堂，散步或跑步。
Beef and Onion pie加chips(£9+£2.5)，希望個pie係店廚自制而唔係翻熱現成急凍貨.......
食完早餐，向附近既OUTLET進發。
Outlet以運動服飾為主，兩母子都有收穫，人家買咗件最新既女裝英格蘭波衫。
十一點幾，幸男話有啲肚餓，於是幫襯酒店附近既雪糕車。番去酒店詢問，都係未有住客check out，一家三口係二樓既坐位小休一陣。
見有時間，行樓梯上埋去球場影相，其實晏啲我哋都會去參加觀光團。
領隊話睇社區盾當日，車站出口既呢條街就會塞滿兩隊既球迷。
酒店隣近鐵路站，行入去詢問如何將幸男張oyster咭(當地既八達通)轉為學生收費。
實在太攰喇，一齊入咗間cafe邊飲邊坐吓。
行行吓入咗間噏dup啲既運動店，竟然發現人家件女裝英格蘭波衫平咗£5，揼心口......
午餐時間都未醫肚，上酒店房放低行李，就趕落番去附近既老麥買20件既麥樂雞番上房食。咁趕就係join溫布萊球場既導賞團，成日睇波都有介紹球場外有傳奇BOBBY MOORE既銅像，今次可以近距離從自己既視覺出發。入場後，先係博物展覽區自行發掘及觀賞歷史精品。古人智慧既初代球場閘欄，有效讓球迷有序地逐一入場。有隻高仿足總盃陣列，遊客可以拎住黎影相留念。可惜呢個時間無啤酒賣，其實今次去英國係想飲TETLEY'S......唔知呢個社區慈善盾用咗幾多年至退役呢?樂隊表現都有波衫?做心心手勢既呢位領隊，知唔知0架呢?(影果位都係打BLOG至發現)球賽同演唱會我都可以理解，但電單車又真係超出我既想像。望真啲，應該係細cc既車種，我見電視見日本而家都有呢類小型電單車比賽兼落注。為兩位遠道朝聖既球迷影相留念，可惜未能帶A7iii入場。年青人視點下既父母，不修邊幅既父親，髮型愈黎愈似三笘薰。PRESS INTERVIEW ROOM，兩母子扮見記者。導賞團導遊幫我哋一家影完相之後，原來佢影咗張sefile俾我哋~入到球員更衣室，大家都爭相去搵心儀既球星波衫合照。人家當然係追神射手簡尼。趁人潮散退，可以影張wide少少既角度。更衣室之後既check point，當然係出場通道以及球員後備席望住既景觀。草地當然係立入禁止，但可以一嚐領隊既視野。唔記得係gift shop影相，只係應兩母子之請，與簡尼大海報合照。夜晚係酒店餐廳用膳，唔洗再四圍搵地方。由第一次家庭旅行開始，我哋總有一晚係住果間酒店用餐。英國夏令時間晚上七點，天都仲未黑，餐廳晚市無朝早見咁多人。入鄉隨俗，無凍檸檬茶飲，轉飲LEMONADE。一人一扒餐，幸男揀咗Peppercorn Sauce，薯條當飯食。酒店房係細，而且花灑都有啲唔似酒店，水壓不足，又無雨淋。今晚真係要好好訓一覺，因為jet lag加無訓過而週街蕩。
