朝早係酒店餐廳食早餐，望番走廊既長櫈，諗起尋日得半條人命捱眼訓既自己。食完早餐就趕check out，原本領隊話拉喼去搭地鐵去Greenwich，但話miss咗班列車，計埋等駁腳既另一綫既班次就會晏咗好多到埗，結果call uber直取Greenwich。到埗已經一點幾，用咗唔少時間至搵到我哋book果座apartment。領隊用電話whatsapp屋主，收到一條導航短片，幸男以畫面中既貓型裝飾為大家作定位。係知邊座，但點樣有鎖匙入屋呢?
原來屋主係屋苑內既一棵樹下既密碼鎖，放低鎖匙，完全超出我既想像(真係讀萬卷書，不如行萬里路)。
放低行李就同清潔姐姐(同佢個女)bye bye，徒步去附近既市集。入面有頂蓋區域，唔係全露天既大笪地。
話晒都就嚟兩點，先去搵晏食，睇均晒咁多檔都係揀burger。
少少微雨，準中二生都係食得論盡，要領隊提點。市集有生蠔賣，一於同領隊一齊食非空運既新鮮生蠔～市集內有唔少紀念品攤位。見到相熟既畫像，好想買黎做個回憶收藏，但實在有啲超出預算。領隊睇中咗呢幅畫，經過再三考量，結果都係買咗呢幅商品畫。書攤賣既相信係二手書，無行近去揭嚟睇，只係遠距離影snap shot。行番出去就係大街，英國果然係經常間歇落雨，唔知擔遮既係遊客多定當地人多呢?慢活兼家庭樂為主既西式生活，呢個廻轉木馬唔知係臨時，定係長擺呢?地方大係唔同啲，近碼頭位置，成隻船都可以保育到個展覽館。補打blog時，睇番旅遊書至知隻船叫Cutty Sark，係英國製造既最快及最後既一艘飛剪式帆船。是日重要景點就係舊皇家海軍學院，諗住入去參觀，但時間太趕兼幸男無咩興趣，所以只係一入一出。公園內有唔少銅像，保育程度之高，係可以令人以為身在一世紀前。幸男大個咗，一家人都好少行公園。邊行邊通識，問幸男建築物點解雕花咁靚，希望佢可以見多識廣多一點。兩母子以XPERIA作snap shot，我就以A7III影到呢張幸男奇怪既站姿。教堂入口放住以烏克蘭國旗顏色所摺成既紙花，為戰火中既烏克蘭人民作祈禱。教堂內飾莊嚴瑰麗，遊客唔多，可以輕鬆取景。大型風琴座落於入口既閣樓層，而非平時見開既祭壇角位，感覺蠻特別。出教堂遇正驟雨，一聚後生仔女一股腦兒直衝去對面既建築物，睇黎英國人係習慣淋雨。 通道之間好似隧道走廊，唔知上層係咩嚟呢?隧道出口位，正正係禮品部同CAFE。雖然別緻，但又無咩啱心水。幸男自己逛住先，呢一吓佢有啲似小偷般閃過。
領隊提意買呢款襟章，咁我又真係有儲開既，都叫做係騎士丫。見米字旗係風雨中飄揚，於是叫領隊入鏡，可惜突然無晒風。以前呢啲背景，已經係明星歌手既MV取影地。旅行前，理應知道景點，但番工太忙，都無暇預習景點同擬定攝影目標。如果備課，應該會向領隊申請格林威治皇家天文台景點。邊避雨，邊慢活放空，見到有老外坐係石壆上睇書，但唔方便近影。領隊拎咗枝自拍神棍，好在無被蔑視。領隊精心度位後，叫我入埋鏡。社交網絡時代，大家都將最美既一面呈現，後面果對女仕仲著到去舞會咁。見到雙層巴士，增添親切。呢間係由釀啤酒廠改建成既餐廳，我哋行過嚟都唔洗3個字時間。雖然天窗仲見到日光，其實已經點傍晚六點。無得飲凍檸檬茶，繼續飲lemonade，Cheers~領隊揀咗個海鮮雜燴，味道正常，但個湯就唔知點解係冷盤。幸男繼續大路既牛扒，而我就揀咗fish & chips味道一般，無咩亮點。
食完飯都只係行番住所，地方大到可以幸男獨佔一間房。唔好以為今晚好嘆，其實要同部BEKO全自動洗衣機搏鬥。㩒極都唔轉，結果領隊whatsapp屋主，屋主搵管理員(今早負責清潔既女士)上黎，原來得一個mode用得!!搞到好夜至洗到機衫，我要訓住梳化兼校鬧鐘，將濕衫放入乾衣機至有得番上床訓......
PS:朝早係酒店起身時，影低呢幕童真，中學生無以往咁表達自己同關注家長......
