好耐都無去泳池游水，趁三連O既最後一日去重拾健康及青春氣息。
無諗過得大池開放，成年無落水都成功無遇溺。全場得一個女泳客，其他都係長者為多，專心游20個池，無復當年10次來回池.....又話屯門泳池就拆，中學至中佬都係呢度有游過水，每次黎游水都好似想搵番以前既身影。今年都未去過沙灘，黎緊月尾又去英國旅行，番黎都唔知仲約唔約到腳去曬太陽。
PS:突然諗起幸男幼稚園時，我經常帶佢去西北泳池同銀圍既賽馬會仁愛堂泳池玩水。保溫袋凍飲及啫喱小食，仲有水泡及沖涼用品，一袋二袋咁拖住手行。幸男已係中學生，自己既體能隨青春流失了，與BB既距離亦間遠了，只望能為他打點及提點多一點。
