第一次騎羊入機場落客

今日騎羊載台灣女生去機場，因為三婆孫去日本旅行時，人家誤將萬用刀放係手攜行李內。先係T1落客區放低人家，再自己兜去近T1既P4停車場(途經大量臨時路段)。成功無(人家既時間線)縫回收乘客，車手亦唔係俾一蚊停車場費(首半小時免費)。

跟住導航去東薈城，人家第一時間去運動店幫幸男睇衫褲，我就趕去拉肚子.....

行咗陣就搵地方下午茶，原本諗住去既TED BAKER已經執咗，鞋又無咩心水，只係ASICS被買咗件背心(人家揀咗兩樣欠一樣就最多折)。

TIRAMISU CUP配CAPPUCINNO，一式兩份，FLIP 5變咗自拍專機~

平日番工放工之餘，假日亦要兼顧幸男既活動及大小事務。即使去旅行，都要勞心幸男既言行及處事，今日難得有時間可以兩個人出黎行吓兼放空。回程發現藍牙耳機不能接上FLIP 5，搞咗一輪，疑似無電，結果靠記憶成功番入屯門。

PS:呢個萬用刀，係拍拖時期去旺角玫瑰體育用品買背囊既贈品，見證咗各階段既沙灘聚會及旅行。

FLIP 5用後感

台灣女生話忍唔住要影低我部電話既外屏，話張wallpaper(旅行時影既相)好靚。用咗Flip5一段時間，摺機既方便令我無悔，如果下一代既相機像數及RAM有所提升，相信會繼續留守SAMSUNG。

FLIP 5令我有抱怨既莫過於藍牙無APTX ADAPTIVE，要HI RES就要LDAC(SSC絶對係強迫機主用SAMSUNG EARBUD，)，但LDAC既延遲時間唔及APTX ADAPTIVE嘛，我既FINAL ZE3000變相有啲嘥咗。

其次就係個三星中文輸入，啲筆劃同google原身既好唔同，搞到打字慢咗又忟咗。

PS:好在四月時已轉用漸進鏡，如果唔係都望唔真個外屏@@....

崇真聚餐@稻香

約咗八點鐘四位，最早到既我先攞枱，其實之前打過去book枱，但職員話小菜的話你到時黎就有位，果然無呃我。

教練話上次同馬Sir黎多啲選擇(生意唔好，控制成本)，人齊就急趕嗌餸。第一次食黑松露(醬)叉燒呢個組合，味道又唔差喎。

原本計劃係去英國旅行時去Nottingham探David，點知佢又一家趁暑假番黎香港探吓屋企人，結果今日係市中心再聚(係英國時我有同佢實時同時區一齊whatsapp傾電話)。教練以我部FLIP 5主鏡頭自拍，邊食邊傾兩個幾三個鐘，話題講唔完。

雖然平時都唔係每個月有聚餐，但今次既見面係難得好多好多。希望DAVID一家生活美滿，有機會既話係英國再見~

PS:移民同暑假外出旅行，仲有周未北上消費，晚市真係比疫前靜咗好多。

21代手提電話-18年後的摺機

今朝收到電話，話係順豐速遞，之前係SAMSUNG官網訂機時話18/8前送貨，SAMSUNG真係做得到喎~

原本諗住等一陣價位回落至出機，但幸男係英國旅行時撞到部XPERIA 1 II個POWER制神神地，所以身在外地都要上官網訂機(格過價SUNMOBILE出機都無官網咁抵)。SAMSUNG官網專有奶昔白同迷霧藍，我揀咗藍色，但實色與官圖有少少差異。

入開元朗去良記搞行車証，順便帶埋部Flip 5去YOHO配機殼同外屏芒貼。Casetify無黑色殼現貨(只得紫色)，所以揀好"大海無量"式樣都要開訂等6-7日。由於玻璃貼易壓裂，所以一如己往都係去衞訊配軟貼。

受惠於外屏保護貼比正常螢幕細，今次既芒貼變相有兩塊。

對上一部摺機已係18年前既NOKIA 6260 (SYMBIAN系統)，以後自拍就可以用主鏡頭嚟影。FLIP 5既配置唔高，只係8GB RAM配Snapdragon 8 Gen2去推動，相機亦只有1200萬像素(廣角鏡與非廣角鏡各一)。雖然電池得3700mah，但我比較在意充電只得25w。唔打手遊既我，應該會喜歡呢部以方便為主打既智能電話。

PS:番工著工衣，部電話唔會再咁易跌出嚟；出街袋褲前側袋，亦唔會咁頂腳~

手機Profile更新:
1st   Ericsson PF768                >黃色 sunday
2nd  Boch 909 Dual                 >灰色 people
3rd  Siemens A40                     >藍色 orange
4th   Ericsson T29                    >銀灰色外殼,紫色panel one 2 free
5th   Ericsson T39                    >灰藍色 one 2 free
6th   Sonyericsson T300          >紅色(紅豆) smartone 
7th   Sonyericsson T630          >黑色 smartone
8th   Nokia 6260                       >銀色 smartone
9th   Nokia 6270                       >黑色(深啡色,鋁金屬外殼) smartone
10th Nokia 6500 Slide             >銀色(鋁金屬外殼) smartone
11th Nokia N86 MP                 >白色 smartone
12th Nokia N8                          >橙色(鋁金屬外殼) smartone
13th Sony Xperia P                  >紅色 nwmobile
14th Sharp SH930                   >白色 nwmobile
15th Alcatel One Touch Idol X >黃色 nwmobile
16th Alcatel One Touch Idol 3 >灰色 Sun Mobile
17th BlackBerry DTEK 60       >鈦灰色(玻璃背面) Sun Mobile
18th Nokia 7 Plus                    >黑色(玫瑰金色金屬邊框) Sun Mobile
19th Nokia 9 PureView           >藍色 (反光夜幕藍)Sun Mobile

20th Sharp Aquos R6              >黑色 Sun Mobile

21th Samsung Flip 5               >藍色 Sun Mobile

figma柳釘野薔薇

對上一次買女性figure，已經係美少女戰士Salior Moon時代(當時買木野真琴)。今次買既動漫女角figure係柳釘野薔薇，來自近期追看中既<<咒術迴戰>>。

上網做過功課，得goodsmile figma既版本比較可取，軟膠片裙點都比唔上布料裙擺。

肩膀關節已隱藏得好好，只係向外攤時見到罅隙。另一邊箱既SHF，直企狀態已見明顯既外露球形關節。

換上配件，重現戰鬥狀態。原本有擔心過布裙唔夾膠質上身，結果又ok，可能受惠於啞色既處理。人滿之患，唯有暫時駐守黃道12宮專區。

PS:一大早有人接放工去食早餐既感覺好溫馨，多謝康楠代購兼早餐交收（可惜我哋無合照）。

英倫親子遊Day 15

朝早係酒店食早餐(領隊視點)，因為今日我哋要check out之餘，仲要趕去一個景點。

放低行李係大堂暫存，我哋就搭地鐵出發。因為我尋日係列車跌咗張蠔咭，所以領隊要用信用咭入閘。

King's Cross St. Pancras站搭6分鐘左右車就到，人行就話要半個鐘。

一行出車站就見到沿路有攤檔賣精品。

輕裝上陣，呢度仲未係球場，過埋條橋至係。

突然肚痛，入場前急去搵廁所，兩母子影住相等。

會合大隊，入閘前嚟張自拍照。

過晒安檢同閘口，搵到座位所在地，就去買嘢飲，無諗到啤酒汽水係買一送一。

由於啤酒唔可以帶入看台，兩母子先入去坐低。

我就努力連飲兩杯啤酒，有唔少fans著住SAKA既波衫。

我哋早入場，所以大把時間係度影相。

我諗我哋已成功融入主場球迷區，老外球迷見我幫兩母子影相，主動幫我哋影家庭合照。

近距離到智能電話都影到熱身花絮。

主隊球迷除咗有旗手，仲有樂隊打氣。

由於只係食咗個晏早餐，所以去咗小食部買個雞肉夾包俾幸男。

吉祥物出場與球迷合照，J League我就知每隊都有，但平時係now睇英超就唔覺。

好在我哋早入場，因為有部份球迷因入閘系統問題而入唔到場，大會宣布延遲30分鐘開波。

自拍住嚟等開波，可惜出發前都未有Flip 5上市，我要身在英國係SAMSUNG香港官網訂購。

阿仙奴既NKETIAH先開紀錄，SAKA攻入阿仙奴第二球，下半場82’AWONIYI為森林破蛋。

為免散場人流管制，我哋臨完場前分補時階段就離座，順利入到地鐵站兼上車。番酒店拎番行李，call Uber直去機場。幸男係車上用電話睇白禮頓對盧頓，用盡啲數據嘛。

一個鐘頭多啲車程到機場，行李寄存因為過重，領隊要即場開喼，將重量轉移到另一個喼。過埋安檢，搵咗間拉麵店食晚餐，買埋嫲嫲既手信就準備上機。

呢餐係我哋係英國既第一餐日本料理，味道都算ok。

2星期理應好耐，但又唔覺唔覺又過咗半個月英倫生活。今次旅行中，幸男多咗參預幫手提議景點兼搵路，仲記得小學幸男係本日本旅遊書上貼滿企鵝貼紙(表示佢想去既地方)。我就依舊做身兼跟班及攝影紀錄既金主，當然仲有做丑人嚟執整吓年青人既品行。

準備飛12個鐘番香港，完結足球為主題既英倫之旅。

PS:原本諗住可以探埋阿Bill，但佢一家咁啱番咗香港探親(向左走向右走)。David就話下個月番香港探親，叫我唔好特意上去無咩嘢玩既Nottingham搵佢，所以只係於同一個時區用whatsapp閑聊。

英倫親子遊Day 14

朝早係酒店附近既巴士站上車，去今日既目的地北倫敦托定咸。

藍天白雲加歐陸風情建築，只要肯舉機就會搵到靚景做主題。

先去咗間運動店行吓，呢件復古英格蘭波衫普普通通，所以影選相就算。

呢個網球仲大過手球，當玩具？

過埋馬路就見到熱刺球場，弧形顯示板既另一邊有孫興慜。

地標性既鐘柱下有介紹，但睇完都唔係好明呢鐘燈柱係咪由1934年至今？

先去商品部買嘢，幸男除咗SON波衫外，仲睇中呢件隊徽外套。

慜大人既魅力大到可以有一個商品專區，希望今年佢可以回勇至世界盃之前。

舊球場既建築Warming House，被搬入新球場內作博覽館。

唔係得個殼，內部都係昔日舊物。

用埋4：3比例電視播放當年新聞訪問，夠晒復古玩味。

我自己都有入更衣室試size買手信。

暫時離開球場，搵地方食晏先。天空白雲，望落好似熱鍋上既蒸氣。

午餐係球場對面既快餐食Fish n Chips，店內掛滿熱刺既光煇照片。

真係望住個球場嚟食，我就不時行出店外，因為店內廚房攻出大量熱力。

老花後影相無以往咁眼明手快，雖然本身都唔係好快……

行番去球場，見到有成幅牆咁大既簡尼塗鴉，當然要打番張咭。

之前去既Wembley同Etiad球賽既tour，都係跟住個Guide帶廿個既鴨仔團，但是次Hotspur既tour就只係帶大家入去中庭既展覽區作簡單經歷介紹。

Guide話熱刺球會好注重社區既連結，地埋上係融入當地既社區地埋。

之後大家就可以帶住導嘗耳機系統，隨意去各個(無被封阻)地方參觀，我哋先去觀眾看台望吓個主場草地先。

陣間我哋都會好似呢團遊客咁，上去SKY WALK。

我本人幾鍾意熱刺tour既安排，唔洗成廿幾個人堆埋一齊爭影相。你見呢度人多，咪去其他地方睇住先，轉頭再番嚟。

二人合照無難度。

行過餐飲區，佢哋啲啤酒都OK喎，起碼特別啲丫。

作客更衣室有咩好睇?原來係有過往客隊既球衣同錦旗作點綴，令大家聯想到過往既對賽(唔知點解阿仙奴果件係正面向城)。

體能訓練區，只可遠望，不可內進。

到主隊更衣室時間，我當然要表達對LLORIS既不滿。

幸男揀咗慜大人個位黎打咭兼無線叉電。

球員休息室又幾靚喎，唔知球員係咪環境太好而變咗少爺兵呢?

球員用膳區，有啲似自助餐佈局。

尊尚會員酒吧區，真係又新淨又夠靚。

臨出去草地之前，影番張球員出場feel既相先。

感受完球員視點下既球場，就踩住草地邊嚟合照。

球員席上既一家三口合照。

缺乏好奇心既幸男，第一吓係答唔到呢條嘢係用黎做。

兩母子扮係採訪區打架。

無咁多人同你迫，上台扮主帥開記者會都無咁大壓力(影相果個都係)。

呢部就係導賞機，我就無用，一心影相。

咁即係話塊地板係由舊球場搬過嚟?

田呢次旅行，見到好多忍者龜既廣告，無諗到呢度都有。身穿紫色tee既我，被委派去合照。

COVID-19時亦曾借出地方作clinic用途，真係好似個guide開場所講，熱刺球會好注重社區既連結。

下一個節目就係sky walk，聽完職員介紹後，放低行李兼換鞋，電話要俾晒個guide代保管(佢孭既袋)。

著住件vest，扣住個扶手位斜行上最高位，大家到齊平台至會收番自己部電話嚟影相。

驟眼望落去，都有啲似地盆高空工作著果啲款。

搵咗個guide幫我哋影半身合照。

遊客可以加錢玩埋吊落地面，慳番行落去既時間同腳骨，我哋就乖乖地行番落去。

望遠鏡係免費，唔知幸男望到啲咩呢?

臨走時係電話download咗Skywalk盡頭既合照，像數極低(39.2kb)，睇黎都係俾你preview吓，氹你去買硬照紀念品。

拎番齊行裝同手信，回程先搭巴士。

再轉鐵路，領隊話咁樣會快過當初全程搭巴士。

出站時雖然係近七點，但都未天黑。

今晚領隊話係車站附近訂定餐廳，有得食威靈頓牛(啱晒我喎)。

雖然MENU上有Beef Wellington to Share 400g，但落單時話今日無...….

好在見cocktail menu有Walnut Kir Royale，點番杯嚟調整心情。

兩母子邊飲住lemonade，邊等食。

呢間餐廳既麵包比之前去過既餐廳特別。

Pan-fried Duck à l´Orange，個汁同鴨胸既肉味好夾，我既第二志願都唔差。

領隊話唔係太肚餓，所以揀咗Scallops Gratin作輕食。

Steak Frites，點睇都係幸男選。

一枱都係嘢食，我同相機鏡頭都入埋鏡。

成功託侍仔幫我哋合照，只可惜原來有啲背光。

咁啱有波睇，邊食邊用電話睇"般尼對曼城"。平時有時差咁用NOW睇，今次就同當地同一個時區(零時差)。

PS:臨尾我試另一杯cocktail(該店既Signature之一)-Premier Mot