是日第一個景點係NATIONAL FOOTBALL MUSEUM，於舊建築之間出現既玻璃幕牆，顯得相當搶眼。
上電梯去正式入口，有英超冠軍盃供遊客合照。
館內件件都係古董，呢件1872年既英格蘭隊針織波衫古著，係當年Arnold Kirke Smith所穿著。
歷代國家隊主帥時間線圖表。
遊戲時間，要跟據國家隊燈號，按下正確既徽章，10秒內考你眼明手快心熟(平均1秒1個)，幸男只可達成9個。
足球國家地埋環節，限時內將國旗掛上正確位置。
呢張古董櫈配埋個背景相，絶對係打咭位。
呢款足球遊戲機夠晒經典，當年機舖一定有見過。
未有電視遊戲機既時代，就係玩桌上實體版。
無計分之下，兩母子胡亂試玩大枱復刻版。
除咗懷舊，呢度仲有VR新玩意，玩家要係禁區外接傳球，並應要求作一腳或兩腳射門。由於燈光昏暗兼動態，A7iii只能影到咁。
無諗到少爺兵係是日排行榜既第2位，唔多啲高手無咁早到?
女子足球普及之際，J leaguee洋娃娃公仔依舊討好。
睇到呢個機械式足球遊戲機，諗起屋企果個日本版。
臨去Gift Shop前，再同冠軍奬杯合照。
行去食晏途中，經過一間教堂，唔少當地人係草地或長櫈閑坐。
教堂內既彩色玻璃窗，當然係重點，今次仲可以有埋個雕像亙相襯托美感。
內飾雄偉，唔知呢間教堂有幾多年歷史呢?
嘩，兩點幾鐘喇，要快啲去搵地方食晏。
我哋去咗Scott介紹既意大利餐廳用膳，要試吓海外既意大利菜嘛~
餐廳既裝飾又好新潮，唔係走傳統舊派教路綫
雖然無生啤，但侍應介紹呢款最貴既啤酒，又真係唔錯喎。
Baby Mozzarella，意式一口炸芝士。
Tagliolini all'Aragosta，龍蝦蕃茄扁意粉。
Costine di maiale，慢煮短排骨，呢碟最令我驚喜~
Spaghettini Vongole，蜆肉意大利粉。
Affogato，上次係Wembley球場附近餐廳食過，今次再encore。
Homemade Tiramisu，其實係同領隊一齊分2款甜品。
Selection of Ice Cream，當然係幸男獨享之選。
食飽就再去睇波衫，幸男一突然曬太陽就打乞嚏，鼻敏感？
波衫尋寶，幸男搵到件多蒙特，順便係足球名宿系列前影相。
先番Airbnb放低戰利品，兼歇吓腳，話晒要感受西式慢活嘛。
見有時間，嘗試為古建築留下懷舊味。
尋晚我哋一家上德輝屋企坐，今晚就輪到我哋做接待。
自拍神棍為兩家人合照，幸男件波衫成為點題-曼城這一家。
PS:今朝出間前有個小插曲，Airbnb發訊息俾領隊，話我哋住既地方被投訴，要我哋即時離開。領隊谷住要用漫遊通話黎同客服傾咗10分鐘($300)，迫問之下得知係投訴屋主，並會以$300作酒店補償。搵埋管理人Scott，佢話Airbnb同佢哋有啲交惡，叫我哋可以唔理客服既建議。雖然睇番Airbnb發出既條款係$300美金(非港幣dollar)，但要花時間搵酒店都煩同嘥時間，故決定繼續留宿。
