朝早係Greenwich既Airbnb出發，拉喼搭鐵路番去Wembley。
12點幾未有得CHECK IN，酒店大堂暫存行李，去附近既一間餐廳食晏。
我揀咗蕃茄醬汁底既龍蝦芝士意粉配parmigiano reggiano，雖然得半隻fresh lobster，都盛惠£29。味道都唔差，只係份量變咗輕食......
領隊為我拍照~
領隊輕食肉醬意粉，所以同我一齊分一個Affogato al caffe甜品。
幸男獨佔單球士多啤梨味Gelati雪糕。
行去車站時，經過廣告宣傳板，有幸男欣賞既加利殊~
幸男自選既景點"CLASSIC FOOTBALL SHIRTS"，當然係一心去尋寶(舊款波衫)。
櫥窗外有唔少既精品作招徠，唔到時代既球迷都會被感召。
話晒都係下午茶時間，享受英式慢活。
天涯鏡抓拍幸男，可惜領隊被遮......
店內有唔少球隊精品，最搞鬼係有A貨大力神盃!
店內有生啤供應，但都係無TETLEY'S既踪影。
施丹簽名既法國隊波衫，係我心目中施丹係現實世界中既大空翼(戴次偉)。
問過店員，客人可以手持A貨盃影相，於是搵幸男係美斯波衫前舉盃。成功買到心頭好，爸爸俾錢時，順便睇中貼紙，店員見買得多嘢，結果貼紙唔收錢。
趕時間搭鐵路去下個景點，但我都不忘為大家留倩影。
睇到呢個站名，估唔估到去咩景點呢?
第一次黎英國，佩服對舊建築既保存(育)，因為社區需要集體回憶，共同既經歷以凝聚對社區既愛與投入。
福爾摩斯紀念館(The Sherlock Homes Museum)，小學時睇英文故事書時，已被福爾摩斯既機智深深吸引，直至而家都係偵探小說既愛好者(日劇或美劇)。
館內有福爾摩斯既會客廳重現，駐館導賞員會為大家作簡介。由於預約咗四點三，所以唔洗排大隊輪候。
大偵探既私人物品。
我哋叫幸男係遊客紀念冊上，留下芳名。
除咗"擬"文物，仲有蠟像演活故事案情。
臨走時趁導賞員招待下一輪既會客廳導覽團，幫兩母子打吓卡。
每次行過超市或便利店，都會望吓有咩特別既啤酒。
行行吓竟然有唐餐館，一間叫皇朝，一間叫皇朝會。
咁啱見到有相熟服裝店FRENCH CONNECTION，於是入去試著係網站見過既款式。Size一定啱又唔洗俾運費，精明之選~
領隊照原定計劃，去Burger & Lobster用膳。一坐低，當然係揀嘢飲。
Watermelon Iced Tea & Tropic Thunder。
我就揀咗Lobster Martini，我跟侍應生既建議梅花間竹咁飲一口大杯一口細杯，味道非常啱我口味。
我同領隊分半打生蠔，人代蠔搭飛機，一定新鮮過係香港食。
手機自拍，開始習慣薯條當飯食既當地飲食文化。
Classic Whole Lobster, grilled, fries, salad, Holy fu*k butter sauce
話就話有免費巴士送乘客番Wembely，但車到去中途就停車，司機話呢度已係尾站。唔少當地人都同司機理論，但領隊就call uber作應對。
5分鐘車程，google map話人行要20分鐘，當然係乖乖課金。我哋上車問Uber司機鐵路局飛站是否常見，回覆係"no"。
PS: NOVOTEL酒店無之前HILTON咁殘舊，只係花灑好唔掂….
