約咗八點鐘四位，最早到既我先攞枱，其實之前打過去book枱，但職員話小菜的話你到時黎就有位，果然無呃我。
教練話上次同馬Sir黎多啲選擇(生意唔好，控制成本)，人齊就急趕嗌餸。第一次食黑松露(醬)叉燒呢個組合，味道又唔差喎。
原本計劃係去英國旅行時去Nottingham探David，點知佢又一家趁暑假番黎香港探吓屋企人，結果今日係市中心再聚(係英國時我有同佢實時同時區一齊whatsapp傾電話)。教練以我部FLIP 5主鏡頭自拍，邊食邊傾兩個幾三個鐘，話題講唔完。
雖然平時都唔係每個月有聚餐，但今次既見面係難得好多好多。希望DAVID一家生活美滿，有機會既話係英國再見~
PS:移民同暑假外出旅行，仲有周未北上消費，晚市真係比疫前靜咗好多。
