今日既行程相當輕鬆，因為景點就係酒店隔離既Wembley Stadium。先落酒店樓下附近擹檔買紀念品，再去買晏晝外賣番上房。
美食車既漢堡包好味過英國老麥，但一芳就同香港飲開既差得遠(localization?)。
成條Olympic Way都有臨時小食檔或非官方既紀念品小檔。
幸男繼睇港超同J League，今次睇英超社區盾賽事~
有個廿幾歲既阿仙奴球迷主動搵我哋幫手影相，領隊打蛇隨棍上，拜託佢為我哋一家影合照。
.JPG)
天色有啲令人擔心，希望唔好落出雨就好了.....
早啲入場，見fans zone都只係有啤酒美食車，於是都係排隊等入閘好過。
買定炸雞薯條，話晒場波要四點鐘至開始。
兩母子行去最近草地既位置影相。
同時間下，媽媽眼中既幸男，效果好似無損變焦~
父子合照，電單車博物館買既Belstaff外套，啱晒大風既日子。
係咪青春期就係沉迷香口炸物既開始呢？
安頓好倆母子，我就入番去閘口與球場看台之間既室內位置買生啤。球迷係唔可以拎住啤酒進入看台範圍，我唯有一個飲完至落番去會合倆母子。
仲未開場，影番張自拍先。
齊齊舉機，因為球員入場喇~
兩隊各自係半場熱身，睇到幸男個背脊，就知道佢最想見到邊個落場踼。
平時係電視睇英超無咁大場面，原來社區盾係揼本啲。
兩隊正選球員為開波作最後準備。
上半場亙交白卷，換邊後，我哋可以近望曼城攻阿仙奴陣地。
64分鐘，幸男偶像球星換入，之前一直傷患困擾。
除咗De Bruyne，Foden既換入，已令票值回本~
77分鐘，Cole Palmer接應De Bruyne頭頂傳球，由禁區外帶入禁區射入。
以為贏梗，無諗到補時11分鐘由Trossard射中Akanji彈入龍門!!唯有等十二碼........
一睇幸男個樣，就知曼城輸咗......
話晒同愛隊球員一齊緊張過，開心過，點計都係美好回憶，希望有機會再黎溫布萊球場~
人潮管制下既Olympic Way，好似行年宵咁，我哋用咗半個鐘至番至酒店。
