仲早過番A，五點前起身，搭半個鐘uber到St. Pancreas International 。
車站會合是日Local Tour導遊-Peter，過安檢同Passport Check，就安心等班次告示板通知。
班車埋站喇～一家混入一眾旅客上月台。
個站都幾靚喎，其實而家係七點都未夠。
上車前影相，可惜導遊Peter郁緊個頭。
搭2個鐘歐洲之星火車就到法國巴黎，平時電影就睇得多，今次自己有份坐。
車站既指示多咗法文，車站結構與英國個邊相若。
出站行一小段路就上旅遊巴，雖然個團得9個人，但都係大巴招待。唔知係順路去巴黎鐵塔既市內觀光，定係加插兜路環節，但Peter都係沿途為團友介紹。
受制於巴士車內觀光，唯有以智能電話隔窗拍照。少反光兼清晰既相唔多，但有呢張凱旋門已心足。
上咗觀光船，第一件事當然係影巴黎鐵塔。小學時代收過同學既聖誕咭，見到黑底白線既巴黎鐵塔貼紙，已覺得好靚。
開船喇，坐係船尾，望住鐵塔遠去。
塞納河兩傍既景色，盡收眼簾。
觀光船不時會穿過天橋底，可以近距離欣賞古橋既建築美學。
幸男主動影相，希望可以培養佢對身邊事物既好奇心及了解，因為我覺得佢份人太佛系。
邊食邊遊船河？唔知可以坐幾耐呢？
呢個時代個個都係用智能電話嚟影相，但我始終覺得會嘥咗行程。諗真啲，大家都係由無反或單反既P mode，變咗電話既AUTO mode搭配美圖功能啫。
有時都幾大風吓，幸男眼都擘唔大。
回程後段，領隊突然舉機影相，原來為巴黎鐵塔既取景。
順便召集2父子埋位，一齊同地標合照。
幸男向領隊展示自己既作品。
落船就去巴黎鐵塔食晏，領隊叮囑我要小心財物。導遊Peter就只係叫一眾團友，唔好接過地攤檔遞上既紀念品。
由於已訂枱食飯，可以排另一條隊過安檢，再搭𨋢上餐廳樓層。出年就法國奧運，上屆日本撞正疫情，慘……
餐廳外大量遊客等枱，Peter俾咗張reservations紙本俾其中一位團友，我哋一行9人一張枱。
第一次同老外食團餐，我哋1家3口（香港代表），2公婆（美國代表），2母子（澳洲代表），2母子（英國代表）。
飲品揀咗香檳，人生第一次真法國料理。
Œufs mayonnaise, ail noir et herbes fraîches（Eggs mayonnaise, black garlic and fresh herbs）
Soupe froide de concombre, chèvre frais et thon blanc（Chilled cucumber soup with fresh goat's cheese and white tuna），兩母子都揀呢款前菜。
Tartare de bœuf, pommes de terre grenaille sautées au thym（Beef tartare and sautéed new potatoes with thyme），味道比我係香港食過既好。
Pappardelles fraîches, crème d'artichaut et légumes d'été（Fresh pappardelle pasta, artichoke cream and summer vegetables），唔食生牛肉既不二之選。
食到尾段，大家都等收碟兼上甜品。團友們開始互託影合照，順便八掛下大家來自邊度，英語會話時間開始！
領隊主力同2個阿媽傾，我就同我左邊既一對夫婦交流。
話晒係電影中既經典浪漫餐廳，點都要打張咭。
食得飯嚟，都無乜時間剩，我同幸男提議摸住鐵塔部件行樓梯落去會合Peter（約好15：00集合）。
餐廳果層既souvenir shop睇唔啱，反而地面部機賣既紀念幣可以配合過往既收藏。
團隊再上旅遊巴，今次話去附近既教堂觀光兼街道閒逛。行到樓梯時，咦？乜咁熟口面既？原來係John Wick 4臨尾趕日出前，打上去聖心堂既唯一通道（忍唔住要問領隊借支筆嚟影相）。
John Wick 4𥚃，基諾利維斯就係聖心堂外面，同實有得俾錢搭扶手電梯上，𣎴過都要排隊。
呢度可以俯瞰市內建築，其實有得俾錢搭扶手電梯上，𣎴過都要排隊。
今日都久唔久會大風，睇下佢哋個頭幾動感～
教堂內飾既色彩完勝其外觀，因為外牆包經風霜？
精巧既雕刻及建築設計，壁畫既加持，令教堂有美術館既感覺。
跟住就行番落去逛街，兩母子已睇中間雪糕店。
時間緊迫，成功排隊買到雪糕。
唔太理解幸男個電話繩，放到咁長又吊吊揈為乜？
一心係旅遊巴，菢住凱旋門就用相機zoom盡兼手動對焦（誓要突破車頭玻璃）。好在撞正慢車，Crop完兼擰正，就得出呢個街景照。
回程過關口，法國呢面既海關職員無英國果邊咁拘謹。
今次月台無咁多人上落，可以輕鬆影登車合照。同事們覺得我為個day tour而搭Eurostar，而感到不解，唔留幾日法國玩？礙於行程主打英倫足球之旅，故可以偷一日去遊塞納河船河，上巴黎鐵塔兼食個正宗法國菜，已經好滿足到我了。
坐番2個鐘番去St. Pancreas International站，中途口涸去咗買嘢飲。幸男依舊係Lemonade，我就因為買2罐抵啲而買咗孖裝歐洲之星版啤酒（多果罐當手信派）。
