朝早係酒店食早餐，雖然選擇唔多，但總比自己買凍三文治食好得多。
11點唔夠就到達今日既景點-大英博物館，門外已唔少遊客排隊，以及旅遊巴暫泊。
人頭湧湧，好難至搵到個位係無咁多人入鏡。
讀萬卷書不如行萬里路，望過實體歷史文物，會否對西史學科改觀?
唔好睇幸男咁好笑容，其實鏡頭外並不太自在。
為培養觀察力及好心，嘗試問青年人點解會雕像腳邊有條柱仔，點解有啲地方會崩咗甩咗?白先勇先生講得啱:"一個人的志趣，是勉強不來的"，唯有叫做盡一點啟蒙既責任。
古代文物都寫繁體字，唔明點解於現代反而被邊緣化?
金光閃閃，氣派十足。
午餐係館內既食肆享用，都係輕食PIZZA配飲品。
波斯戰爭中既頭盔，戰狼300既斯巴達戰士?
希臘巴特農神殿(Parthenon)專區，點可以唔打個咭先呢?
由於雕像既條件難以搬回希臘原址作重建復修，所以繼續保留係博物館作最好既保養，以及俾世人鑑賞。
跨宗教既巴別塔，可以一睹廢墟遺跡既石刻。
行到去埃及文明區就開始人多同覺得焗促，因為無冷氣?讀書或睇戲就見唔少木乃伊既相片或影像，第一身視覺既遊走，立體感同細緻度係電視俾唔到既體驗。
近代啲既文物-收銀機，當年既人點會諗到俾錢可以唔洗面對面，online就可以做到呢?
一睇就知係新中国時代既文宣海報，唔明右上方既提字係結婚留念......
古書字畫，好似睇緊中學中文課本既插畫，手寫字體既行列，比得上現代印品既精準。
唔洗VR眼鏡，都可以欣賞古代立體圖像。
卒之可以逃出沉悶空間，幸男再現笑容。
屋企雪櫃頂既LEGO ARCHITECTURE LONDON，有London Eye，Big Ben仲有是日下一個景點-Tower Bridge。
人車共用既天橋，必要時可以升起中間路段，讓俾高身既船隻經過。
行人可以輕易望橋邊既泰晤士河風景。
之前我哋既巴士午餐遊都有途經過Tower Bridge，好似呢架觀光巴士一樣。
唔少遊人駐足影相打咭，我哋都唔例外。
田附近有個小食檔，焦糖焗花生及杏仁，睇黎生意嘛嘛喎。
幸男成功跳上壆位，被拍成休閒風寫照。
自拍神棍，一家三口家庭照。
Tower Bridge除咗橋塔既典雅美學，橋身既顏色更加搶眼，離遠就可以辨認出。
無諗到泰晤士河邊既古橋，配上草坪就係一個浪漫結婚照既氣氛。
原來係出名到到gift shop!遊客仲可以憑入場卷，參觀已退役既蒸氣引擎室。
領隊扮睇風景，外套同裙既顏色唔知係咪特意配襯Tower Bridge呢？
橋面有時都幾大風，幸男個頭都被吹到飛起。
晚餐就係呢間鄰近Tower Bridge既餐廳享用。
無生啤，唯有飲支裝~
行去Aldgate Station搭鐵路番酒店，車站俾我既感覺好懷舊，只有電子告示版同天花照明燈提醒我身處既時代。
