起身落街去搵Cafe North食早餐，當然都係Scott既介紹之一。
除咗第一日落早機，今日係第二次係餐店食早餐。
今次比Wembley果次食果間，環境同食品都好好多，幸男揀omelette(£11)配橙汁(£3.25)。
晨早就食PANCAKE(£10.5)，當食麥當勞既熱香餐套餐?
我都係揀omelette，組合係配煙肉，車打芝士同黃椒(£11)，再同領隊一樣飲杯cappuccino(£3.25)。
早餐時間收到德輝send嚟Lucy給Naughty叔叔既畫，多謝Lucy～
食完早餐就行番Airbnb，拖行李走前，係樓梯間影多張相。
“搭2個鐘火車又好，搭14個鐘飛機又好，有機會既話都會搵你一家再聚。”離開月台時，send俾德輝既短訊。
呢間得幾層高既酒店，就係我哋今晚留宿既地方。印象麻麻，因為匙卡唔得，要落番去lobby搞一輪至入到房。
放低行李，沿馬路一條直路行去King's Cross St. Pancras站搭車。
15分鐘車程就到目的地-Borough market。
相比Greenwich既市集，呢度有新鮮海產檔。
熟食檔有日式燒烤同便當，唔知係咪海產主題呢?
呢檔西班牙飯唔少人排隊，一於試吓佢。
兩母子開心share，我就繼續搵吓有乜好影。
Lemonade就飲得多，Lavender Lemonade就真係新口味喎，買咗杯嚟試飲，幸男話味道ok。
雖然今日係閒日，但市集都有唔少人。
天橋底下有長櫈供遊人閑坐，紅磚橋側既街燈，好似有啲歷史。
流動雪糕車，有別香港見慣既綿羊配side car兼撐起太陽傘，無試諗到可以係人手推動改裝單車，再接駁附近既電源。
其實檔雪糕車附近有實體店backup，呢個品牌正正係巴黎day tour食過果間。
趕去下一個景點，放工時間見唔少當地人以單車代步兼行馬路。
"London Bridge is falling down, my fair lady"呢首童謠聽得多，今次可以見證童謠時期後既現代版。
母子合照於熙來攘往既倫敦橋~
橋下面係咪真係有龍蝦同蟹先?
後面就係之前去過既TOWER BRIDGE，兩位雙眼力抗陽光。
繁忙既泰晤士河邊有架Town-class light cruiser-HMS Belfast，上網search至知現為海上軍事博物館。
空氣系既幸男好認同橋墩既呢個塗鴉。
晚餐係Borough market附近既一間餐廳享用，當然係領隊一早訂定枱。
Market Specials既Oyster Selection，咁近貨源一定比餐廳新鮮喇啩。
委託幸男為我倆合照，店內好似無人，其實晏多少少就迫滿放工既本地人嚟聚腳飲酒。
Whole Brill with lemon and kale(£52)，今次係煎鮮魚，味道唔差。
叫多咗個蝦俾幸男，怕佢唔夠飽。咁多晚既外出用膳，呢晚算係性價比最低。
由於MAIN DISH選擇唔多，所以揀咗去之前經過既雪糕店食飯後甜品（大人都唔夠飽）。
PS：朝早係Airbnb地下單車停泊處，見到有搬出既住客留低咖啡機予有緣人。曼城俾我哋感覺唔錯，有相熟既輕鐵系統。
