朝早六點鐘就去到Euston車站，因為今日我哋要由倫敦前往曼城。
06:29出發，預計車程要個2個鐘多啲。
一到目的地車站，Air BNB既管理人Scott已準備好帶我哋行去住所。Scott係區內地圖上加上不少筆錄註釋，非常貼心。
無諗過幸男會飲英式奶茶，話說Scott一入屋就煲水兼沖奶茶俾我哋飲作wellcome drink。
鐵路線小册子亦都有Scott既手筆。
客廳多窗口，採光充足，但無窗簾下，私隱度爭咁啲。
主人房可以兩邊落床，故之然係基本，仲要有埋套廁，唔怕人多爭廁所。
幸男揀既呢間房就光猛啲同大啲，所以我哋啲喼都係呢度攤開。
我哋住既appartment歷史保育味濃厚，升降電梯都係建築物既天井位加建，絶無影響外觀及內飾。
安頓好行李，輕裝落街行吓兼搵定地方食晏，唔知呢幅係唔係大厦既官方外飾呢?
由於晏晝要去球場參觀，唔方便帶相機，唯有用智能電話影街景。始終陽光不足既情景下，手機與相機既分野會變得更明顯。
呢間門面夠晒靚，可惜有啲貴......
最終搵咗間casual啲既入座，但耐何要等半個鐘至有午餐menu更新(掃qr code係電話落單)，好在店員容許我哋既靜坐。
食炸魚同牛扒食到攰，呢個西班牙海鮮燴飯絶對可以俾我一個喘息，畢竟係香港我都係好怕食既嘢太重覆。
領隊話唔太餓，所以同幸男分一份餐。食完飯行番去車站搭鐵路去曼城球場，呢一個畫面好似平時出市中心搭輕鐵咁。入到車廂既呢一幕畫面，都令我以為已番香港捱騾仔。出車站要行過工程地盆，方可到達工業風既球場建築。球迷償願朝聖愛隊主場，當然要打咭影低三冠王既外飾。登記後，與一眾同時段導覽團遊客，等待導賞員。電視就睇得多，今次親身望藍月亮主場。導賞團有好幾個小朋友，大多數都話鍾意Haaland，導賞員話除咗火警鐘外，呢度係無紅色既～更衣室內，當然要係奇雲迪布尼個專位自拍。團友們企理一邊，熄燈播介紹短片。領隊特意跟隊尾最遲走，因為要影全景。卒之都可以行近草地，見到球場上有大型曬燈車。幸男上身著住曼城波衫同風褸，領隊就欖住社區盾當日買既頸巾出嚟打咭。球員出入場通道既大LOGO。相比之下，我顯得唔係一個loyal fan。充滿贊助廣告既訪問區。同Wembley球場既導賞團一樣，會去傳媒接待室坐下，但今次就有VR既哥帥同我哋同台合照～之後上導賞車前往球員訓練場，期間經過停車場追星，結果見到Nathan Aké。我哋就係坐呢架車行特別通道(天橋)去訓練場參觀，唔算好多嘢睇，反而重點係聽導賞既設施介紹。曼城既歷史係工業城市，唔知道ETIHAD STADIUM係咪因而走工業風建築呢?臨走前兩母子係精品店狩獵，我就搵完廁所拉肚子再會合佢哋。行去車站時，見到有個阿仙奴小球迷手拎住曼城既精品。究竟係黎踩場，定係幫襯對家以釋出善意(話晒社區盾贏咗你)?望到呢個情景，好在理由相信當年既輕鐵系統係由成套引入香港。Oyster Card不適用於倫敦以外，大人用信用咭入站，幸男要買單飛。列車埋站，驟眼好似公司站放工既snap shot。
遲咗少少到The Trafford Centre，商場係正車站隔離，不過搵Nanaos間餐廳就用咗唔少時間。領隊用Xperia 1V為我同德輝一家合照，昔日既小朋友，已經係青少年。如果唔係地域分野，唔知佢哋會否係世交?唔怪得話爸爸一定就晒個女，但前設要係好似Lucy咁鍾意笑至得。邊傾邊食，出去排隊時又傾，傾到俾阿嫂話我哋被人打尖都唔知。晚飯後去咗德輝屋企坐咗陣(我哋搭uber，德輝一家坐自己車)，回程坐德輝車送到我哋到樓下，可以再一次感受到滿滿既青春回憶及羈絆。順便邀請德上嚟坐吓，兼交收斷碼絶版T。
