朝早係Airbnb住所食過乾糧早餐，就係鄰近既DLR鐵路站等車。
站頭望落有啲似發夢王大冒險既車站。
平日既番工時段，但月台唔算多人。
捕捉列車埋站一刻，好似平時等輕鐵。
DLR係無人駕駛？
落車後，領隊再上網搵合適既地鐵路線，因為我哋遲出門，miss咗原定班次。地鐵車箱好嘈，因為每卡之間都係開咗氣窗。座位中間既間距短，唔通車卡窄過香港？
落車再去搵長途巴士站Victoria Coach Station，大家把握上車前既廁所時間。其實都好趕下，侯車處人頭湧湧，用相機拉近隊前既螢幕至放心無排錯隊。重拾鴨仔團既感覺，坐個2個鐘有多車程，聽導遊既介紹同吩咐，各團友揸緊時間去景點影相。呢一個角度，十足案發現場法證紀錄照。遊客只可以圍住巨石陣作遠攝，好難就到一個人同石共存既視點。除咗到此一遊團，仲有一個露營過夜睇日出團，可以親眼見證古代文明既偉大-日出金光進入巨石陣。晏都食唔切，只係小食部買三文治同飲品上車頂肚，再搭大約一個鐘車到Bath。之前成日聽到話西方落後了，但又見電子支付都好普及喎，唔單只係小食店，連街頭賣藝既都有機可嘟。Bath既建築充滿羅馬及中世紀既風格。呢個係重要景點King's and Queen's Baths，英格蘭唯一既溫泉，亦係當地發跡之發源地。小城內有棵大樹，氣氛尤如童話或RPG game。一團人聽過導遊既講解及集合時間，開始分頭自費午餐時間。偷影一下領隊。不概為旅遊城市，四圍都係餐飲舖店。電單車旅遊團，唔知係day tour定係酒店過夜?領隊叫幸男用智能電話網上search心儀餐廳，由於要趕時間，我見愈行愈遠集合地點，於是主動提議唔好再行。係當時附近既商戶搵一間就算，結果入咗呢一間。
成功達陣係King's and Queen's Baths前集合兼入場，心情一般既我叫咗兩母子先落下層既浸池邊，方便我高抄構圖。無諗過有位女遊客搵我幫手，用佢部電話影相，唔通對孭住相機既人有信心啲(上午係巨石陣已經俾一行年青人委託)?
兩母子邊行邊係展覽館影相，唔怪得我係上層等咗咁耐。
呢個石雕有啲似以前占卜機既款，只係無個張口位跌張卜文落嚟。
現代人同古代石雕面譜合照。
母親既視角，借埋副太陽鏡作道具。
幸男之視點，上層既我應該係行緊落去會合兩母子。呢張就係守候多時既高抄照，泉水已經不再潔淨，所以無叫佢哋扮潑水。補多張低炒就入去睇埋剩低既展覽，了解浴場既結構及運作。尚未到大巴集合時間，所以係附近再行吓。店舖之多，真係可以當去渡假村留一日一夜之前都怕英國多落雨，好在今日都算藍天白雲。呢隻海鷗完全唔怕人，幸男行到咁近都毫無戒心。風光如畫，十足以前電視旅遊團既廣告。有得坐觀光船，不過隻船唔會落樓梯0架嘛?幸男已同領隊並頭咁高，希望佢可以見多識廣，唔好咁宅。臨上車前望過教堂，可惜是日不作公眾參觀。熬兩個鐘巴士(酒壺既whisky都飲晒)，再地鐵駁DLR，番到Greenwich已經八點幾。見呢間餐廳未閂，於是入去幫襯(其實尋日行過己望定幾點閂)。當作花樽既Grand Cru Classe，咁啱我都有飲過。餐廳外邊鐵皮頂既部份以pizza為主打。Pizza味道唔錯，幸男一個人就食唔晒，我同領隊幫手都有剩。熟食同飲品就要係室內既餐廳落柯打。
侍應見我哋係遊客，問我哋邊度嚟同講乜話，我哋答Hong Kong，Cantonese 。領隊揀咗鱸魚，成功廻避FISH N CHIPS。我就揀食牛扒薯條，其實三樣嘢都係share嚟食，大家每樣食啲。
