朝七晚三

朝早番完個早更,騎羊去泳池游水,人唔太多,可能暑假未正式開始卦.番完工,體力正係爭啲,加上年紀都有番咁上下,真係要勤啲操吓.話事話,游番水又真係少啲膝蓋痛.游完水,騎羊去新墟吉野家食晏.跟住就騎羊去市中心租碟,簡咗死亡筆記上下集,再係idc買小玩意俾台灣女生.

小玩意就係老虎機啦,咁啱做八折兼且係last一部.之前人家係澳門好似好鍾意玩咁,有咗呢部機,人家就可以安在家中拉過痛快~~

夜晚同andrew係大排檔食飯,都係食雞煲,飲吓啤酒咁啦....(愈黎愈似中年男子)番到屋企就動手吸塵拖地,搞到成點鐘至開始睇死亡筆記上集.雖然係好好睇,但睇到近三點頂唔順眼訓,晾埋洗衣機啲衫就訓,聽朝起身再繼續睇啦~