十四歲的日記

呢本係我十三年前,讀中三時寫既日記.細個時巳經想記底自己既事,等第時大個咗可以睇番.一個人係唔同年紀睇同一本書會有唔同既感覺同體會,更何況係自己既日記?人大個咗諗既野會唔同咗,如果無記底,真係唔知自己變咗幾多,係變好定係變壞,至少可以知道自己以前既睇法同世界觀丫~~~

中學既字已經係唔太公整,細細粒咁.以前好在意人地話我啲字唔靚,但而家巳經不再放係心上.話說小學時中文老師見我渣筆姿勢唔好,於是叫我用矯正膠套住支筆黎寫字,兼每日寫多啲生字,但最終都係城效不大.到小五六時,英文老師見我啲字唔靚,要我每日都做多一樣功課,抄STORY BOOK,但經過一段時間,老師叫我唔洗抄.我以為係有進步,但點知老師話係因為無進步,所以唔好嘥我時間........

呢篇日記係1994年2月21日,十三年前既我想變得獨立,可以自己照顧自己,唔知而家既我合唔合格呢?