零七下水禮

番完早更,騎羊去建生買洗頭水沖涼液旅裝,就向屯門泳池出發.落咗咁多日雨,卒之都可以游水.近來都少咗做運動,平時或番工都會膝頭哥痛,有時會感到無力,發軟,要坐一坐,所以無跑步.另外之前又要搞結婚既事宜,真係無咩時間.希望今個炎夏可以游多啲水,操番好個身子同膝蓋啦.

呢個泳池係我游水最多既地方,我又好少去沙灘,平時都係鍾意番完早更,就去游水.番晏前游的話,怕會番工時無氣無力,你知啦,番工好多野搞o架嘛.

游完水,騎羊去玉林苑食晏,再上相熟商場行吓,仲揀到個軍曹機師造型既電話繩俾台灣女生.之後騎羊番屋企放低啲野,再出去倚嶺山莊接人家,因為人家朋友係我地屋企坐完,就叫人家上佢度坐吓).跟住我地就去人家屋企同伯母食飯~