今日放假,同台灣女生係屋企食過微波爐飯盒午餐,一齊出門口.人家去搭輕鐵番工,我就上小巴再轉260x出去紅磡火車站~
事源之前聯絡開個間租車公司無開單,唔洗落訂,方便到得人驚,有啲兒戲.上埋個up dup網睇過架車,真係好似灰得滯.咁啱人家係緍紗雜誌剪咗張銀禧租車公司既$500cuopon,於是決定改用呢間.
係火車站行咗個大圈都唔見間舖,於是問其中一間舖既職員,得知位置.行到埋去,見係一間俾外地遊客租車既公司.半信半疑咁問,原來又真係呢度喎~~
原價$1080三個鐘,其後每個鐘$300,8隻蝴蝶結既裝飾加$50.扣除coupon,四個鐘收$930.見佢咁大間舖,又多外國人幫襯,兼且貼住2006年服務大奬,信心大增~~
搞好手續同俾錢,入番屯門,係新壚師傅既公司俾帖.懶得煮一人前既飯,於是係吉野家食咗個下午茶細牛飯(五點左右).打電話約大姐俾帖,搭西鐵去兆康輕鐵站上615交收.
由於太累,於是係客廳訓咗陣,跟住就繼續邊諗邊打擺酒當日既流程表,為大日子努力~~
