今晚騎羊接台灣女生放工,時,人家係咁話要我兜一兜去市中心.問極都係唔答買咩,於是未食夜晚飯既我,就一個人先去肯德基家鄉雞醫肚,人家自己去買o野.
食食吓,血糖回升番啲,突然諗到人家應該係上咗樓上既smartone攞之前訂咗既紫色sonyericsson既S500i.成九點半,最大可能性急住去既旅行社都拉晒閘.
send個短訊問人家,竟然無回覆,於是走上去smartone望,果然不出所料.即使隔住電閘既透明膠片,都好清咁見到人家既樣子.
由於分期要俾$120手續費,所以都係簽咭一次過俾,舊幾水食咗佢無咁嬲嘛.
番到屋企就幫人家load張結婚相落新電話黎做wallpapaer,人家之前部panasonic係收唔到我部nokia機send俾佢既相.跟住就試咗一輪將啲歌load入部電話,邊睇說明晝,邊幫人家set好部機,裝套pc
suit入電腦.....忙...
是晚人家十分雀躍,等咗近兩個禮拜,心儀既新電話卒之都到手嘛~
