酒店食過早餐,先去中島公園行個圈,見到當地人竟然可以係雪上踩單車,唔通單車都有用雪軚?
日光下既雪地,份外潔白,一片冬日溫暖景像。
公園內只得我哋一家人拉住喼黎行,另一個亮點係一位當地媽媽用雪兜黎運載小朋友。
雖然小朋友喊著要大人抱,但佢又坐得好定喎。
領隊話二夫婦一齊自拍吓,無諗過幸男既衫尾會入鏡~
幸男全身都係Columbia既冬裝,加埋2件打底保暖衫,真係未聽過幸男嗌凍。
幸男享用公園設施時,我就四圍找尋冬日題材。
父子親子時光,睇黎雪人既頭同身都係小朋友自己推制,唔似我我咁隨處執。
另一邊廂,幸男玩過不停,邊玩邊吸收雪能量。
滑梯下既積雪,變成緩衝區。
母子溫馨時光,領隊部防水手機XZ3啱晒影snap shot,落雪都唔怕。
上JR前買定午餐弁當,我呢個就夠晒豪華,海膽丼配青提啤酒。
搭個幾鐘JR去到旭川,蓋印留念係例行公事吧~
見車站外白茫茫一片,於是膽粗粗孭住相機,帶幸男出去感受大風雪。
見四周舖滿厚厚既新雪,我將幸男扔到軟綿綿既白雪上好幾次,幸男笑到咔咔聲。呢張相就知積雪有幾厚,幸男要澗雪而行。
行入車站,暖氣令身上既雪顆急速溶成水珠,兩父子好似淋完雨水咁。領隊接力帶幸男再出去食風雪,我就係車站內,隔住玻璃窗以手動模式幫兩母子影相。
幸男不時訓係雪地上,享受軟綿綿既擁抱。一位獨自黎旅遊既香港男生(廿來歲),聽到領隊同幸男既廣東話對話,就向領隊相求替佢用手機影訓雪短片(佢話見到咁大雪好感動~)。
兩母子可以用XZ3自拍，可惜我部Nokia 7plus唔防水…
呢張可以名為"冰鮮男"~
入番車站附近既AEON行吓,係一個錶店搵到款BABY G俾幸男。幸男揀咗白色,唔知係咪要配合白色聖誕旅行主題呢?
溫泉旅館有專車接送,風雪下領隊話上車地點就係無遮頭既路邊。以策萬全,我哋問咗兩位中年女途人,手機地圖之位置作確認,之後再有一班後生仔一齊等車。
搭咗十個字車去到目的地,放低行李就差唔多時間去食晚飯。
點齊餐飲(領隊:梅酒梳打,幸男:橙汁,我:Highball),大家一齊影合照。
最喜愛精緻既溫泉旅館和食,款式多又好味~
和牛壽喜燒,平時香港都只係食美國牛小排咋~
雖然幸男唔係好啱冷盤,但對和牛就唔同取態。
除咗冷盤,小食都好多款式,幸男唔啱食既,就被委派到我面前。
幸男食到中途,話要去便便,一個人努力享用三份鴨肉!
幸男番黎就啱啱好食甜品,女仕同小朋友一樣,有第二個胃食甜品。
食飽就番上房,大堂已空無一人,可能大家都趕住去浸溫泉~
房間有戶外溫泉,只要經過沖涼房就可以開門出戶外。由於沖涼房鄰近戶外兼無暖氣,一入去果吓真係好凍,要開住熱水沖涼至可以驅走寒氣。我不時上水,坐係簷下座位作休息,感到慢活放鬆的治癒~
PS:AEON商場買既迷你鯛魚燒一啲都唔好食,好掛住鎌倉既迷你鯛魚燒......
